頭痛~

今日要同星星砌機，約好左12點半出到黎
呀哥今朝去港大，話就話10點半離開
但就遲遲都未走得
結果......又要我代佢做外賣仔，做左個半鐘
我叫佢遲一個鐘到，但點知我都係遲左半個鐘
真係麻煩.......
去到，唔理啦，食飯先><
話說星期六係黃金撞到個同級生係某舖頭返工......
今日我同佢買料都係咁兜過佢做野間舖到
但每次佢都同客講緊野，我當然冇打擾佢！
佢話機箱乜樣唔緊要，我話事......
= =下.....箱都要我話事@_@
咁我就揀左個幾好feel既機箱
返到去砌......頂佢丫= =
個機箱D鏍絲位唔岩既，CD-ROM/harddisk既金屬托彎左既= =
底板rear panel又有鬼死咁大個空隙係到......
咩牌子黎架，咁衰既........2The Max!!
大家識做啦
好順利咁就去到裝windows既步驟，先format部新harddisk
format好耐......食個晚飯先
裝好windows、driver同一D佢指定既software後就返屋企
佢住得都幾遠，但搭巴士好快返到屋企
佢住邊？大圍，美林，80號直插牛池灣再轉巴士/小巴/行路~
本來諗住叫埋住係附近既果兄出黎，但......走果陣時候都唔早
加上叫個九唔搭八既人出黎食飯又唔多好
咁算啦...大把機會啦
佢間屋企幾得意，一入去有個大大個十字架係到= =
又有要字畫卷，寫住耶和華XX，XX睇唔清楚佢寫咩／．＼......
( 但又睇到耶和華lor.... )
佢間房，甚至成間屋都有D類似既野係到 = =
屋主係個點既人，估到啦......
同星星食晚飯果陣佢問左好得意既問題
星星：「你點睇宗教」
我：一個團體，由相信同一理念/學說/精神既人所組成
---中略---
我：做乜咁問
星星：冇，想知個諗開野既人點睇呢樣野姐
乜我係果D諗開野既人黎架= =
基本上人地唔講我係唔知自己係D咩野人......
搭車果陣好頭痛，唔知做乜......
俾今日呀哥既事煩親？......
砌機傷神？應該唔關砌機事，一切好順利加上之前同人砌都冇頭痛
唔知啦，聽日端午，抖下啦...
( 下，你日日都係到抖lor＼．／ )