同果兄吹左D 關係涼宮春日既野.......
跟住去網吧
以上都係例行，冇新意
跟住行去MK，先去信和
呀！執左好多間呀！咁人地以後去邊買動畫soundtrack
你知人地隻死衰耳患有MP3抗拒症候群
網上既MP3無資格入到我隻耳
只有 WAV/FLAC/TTA可以接受= =......
但網上流傳既好少好少好少，搵死人
唯有......買碟
但E+.....冇lu
去信和唔只睇碟既，仲有同果兄睇首辦模型.......原來信和竟然充斥住流野
當然都有堅野既！
跟住去D兆萬潮特果邊睇模型，原來果兄每個週日都去果D地方吸毒
講真，呢D毒真係唔好吸，冇錢就唔好攪，超超超級貴，如果你買日版既話
made in china既當然平好多，但係後果自負
我就唔多好呢味野......
去完吸毒，就返屋企，吸我鐘意既「毒」......姐係聽歌
其實MK都有個好好既地方去吸毒
但係......毒得濟，少去為妙，為荷包著想......
做乜又會去MK睇首辦既呢？
咪又係睇左涼宮春日的憂鬱......果兄就咁多左好多話題......
因為我既壞習慣，睇完一套動畫都會搵歌
基本上，opening，ending同某D插曲都已經齊
但好奇怪D 專輯唔會淨係得op、ed同插曲
結果，可能我又要再辛苦咁搵= =
但又真係幾好聽，日本妹D聲真係幾正
呵呵~
5 則留言:
你講到你隻耳仔咁經貴,
但喺你選啲什麼動漫歌就麻麻啫,
啲妹妹仔全部都喺雞仔聲,
咁嘅貨色你都咁沈迷，
枉你講到你隻耳咁勁呀，
你又見過幾多人用動漫歌黎試hi-fi呢? XDDD
喂= =
耳仔犀唔犀利同鐘意聽咩歌有咩關係
我覺得就冇關係，鐘意就鐘意
我自己都唔係用呢D歌試我既武器既......
儍瓜,
意思喺叫你聽多啲真正金典呀,
見你咁smart,又大個仔囉,
要求梗喺對你高啲啦,
咪重當自己喺mk潮童先得架! :)
ps:唔喺話啲動漫歌唔好,但同經典重差好遠呀!
= =我係要求高
但果D野要求仲高
我仲未有錢玩要求高既野
例如D 古典音樂
玩得呢D野唔少得要買SACD
一隻SACD起兩舊，仲要唔係部部機load到
又要幾千銀買部DAC
唔止，條線呢？又幾舊水
個output呢？我當係headphone
又幾千銀啦= =
救命...E+買隻平平CD都肉赤呀= =
同埋唔知做乜我唔鐘意聽中文歌
我會聽既歌都只係英文日本或意大利文
除非有一日我變左
...我都係廢事用我D廢儀器去聽果D野
ps 動畫、吸毒，呢D野都唔係MK潮童港女既玩意...
吸毒：毒男，ACG：御宅族
我又唔係成日吸，又唔睇漫畫
所以兩樣都扯唔上關係
最多只係機民@@
唔....
我都係無錢,路過咋.
淨係有錢買首辦咋.
發佈留言