MK晚飯後的夜晚

行完郎豪坊12樓果間CD Warehouse，去女人街睇....
但當然係失望
跟住去食飯
然後去返朗豪坊
我由地面逐層慢慢搵，希望搵到個經濟實惠既銀包
點知......OMG!!
$2xx至$8xx......我窮鬼黎架咋，邊到死咁多錢出黎呀！
直至行到12樓果間CD Warehouse，又見面啦= ="
跟住係個有趣既水泉類既物體附近見到D好得意既野
有條友拿住個結他，有條女較緊咪
有Live Show?
我搵個好位，食住花生等睇戲
wa....條女幾OK喎，樣幾OK，身材又OK
開始開聲lu~

我唔係唔鐘意中文歌咩......定係睇個樣就夠
聽得多電子音樂，受得多音染數碼味
會聽隻耳架！我係好鐘Live，只要佢唔係難聽就得
要錢就要諗諗= =...
多人又要諗諗，明星又要諗諗
佢...叫Takki，我未聽過，當佢係自由樂音人先
佢個Live Show會係郎豪坊入面個大電視到現場直播
但顯然好多人黎呢到都冇點認真留意呢位仁兄表演
不論勇氣定熱誠都係好可貴！希望香港有多D呢類型既表演
而係商場，仲更加可貴，人地D商人肯咁樣俾你攪wor
香港黎講真係好少有......
郎豪坊本來個建築已經做得好好，但估唔到......佢連呢D野都做得到！
雖然冇錢消費......但佢依然好吸引
位置：朗豪坊12樓，電梯前方既「有水流動既牆」既右面
時間：當時約九點
十分推薦！
好啦，講下佢既演出( 下.......未完架／．＼ )
條女把聲幾好聽，但氣唔多夠
個咪過份接近把口，似聽個啦吧D聲多過你D聲......
加上個啦吧出既聲.....
人聲染上過度多既低音，攪到好模糊，歌詞近一半都聽唔清楚
( 源頭不能單靠就咁聽黎分辨 )
單靠聽到一半既歌詞，估計唔到首歌既意思......
感情融入無法準確評估
只可以講呢句：你都係唔夠氣！
講完主音，講成首歌
由於個琴同結他係電子樂器
電子味實有架啦......
至於夾唔夾個人聲，咁又真係幾夾
加上佢係Live，感覺自然兼真實，十分理想兼吸引
如果可以「人聲蓋過啦吧」而非「啦吧蓋過人聲」就Perfect!!
希望遲D黎聽會好有進步啦，加油呀
我暫時冇評價過D歌......因為近半歌詞都聽唔到／．＼
但佢可貴、吸引既地方係呢個表演模式~...
本來都想聽曬佢唱十幾首歌，但係要人地企= =
咁又真係會攰既／．＼......
仲有咁夜返我肯，果兄都唔肯啦
果兄肯，佢呀媽/我呀媽都唔肯啦= =
做個乖仔唔好咁夜返~
88啦Takki......
因為呢個show應該係會轉演出者.....
下次去都唔知係咪你
都幾辛苦，十幾首歌= =...呀.............值得欣賞!
朗豪坊令到呢個MK變得冇咁MK......
無諗過呢種Live會入「我的最愛」......