TTA再戰WAV之音染既迷思

音染，即聲音染上多餘既野，唔正常咁被強調
MP3可謂有著最嚴重音染既格式！
老實講，俾電子儀器攪過實有音染......或者唔止音染
有D音染可以令首歌「好聽D」，通常只係流行曲先會「好聽D」
用我部廢電腦做個測試：
首先用我上個禮拜買返黎既動畫碟...
涼宮ハルヒの憂鬱 キャラクターソング Vol.2 - 長門有希
第一首歌：雪、無音、窓辺にて
去到中間，有一段大量低頻夾住人聲
TTA：人聲模糊唔清晰
WAV：人聲清晰但有音染
CD：人聲較準確，清晰，細節明顯
呢首又唔係D咩鬼野歌.......用佢評TTA好似唔多公平
用返Air Supply 既Come What May= =
先聽CD，人聲同細節既定位好麻麻，感覺散亂
背景仲衰，勁模糊，只係隱約聽到D鋼琴聲
細節唔明顯唔清晰..........仲有D爆音，把聲拆拆地........
或者係我D儀器廢掛
WAV：人聲有少少音染，都係好拆好嘈
TTA：人聲音染比WAV多，唔只，仲好模糊.....=0=
經過多番測試後.........
結論：TTA講音染實多過WAV，講細節
WAV做得好過TTA...
但始終.......
都係CD好！
( 唉，中曬毒啦！人黎！抬佢出去驗屍....... )
咁究竟音染係未真係咁衰呢？
用Come What May黎講，果DD音染都令我想爆粗
但係D日本妹妹仔？把聲嬌柔左，正左，聽落去爽左、毒左
有時候音染都係好事，樂觀面對吧！數碼世界既音樂都係有音染......
強調：我並唔係話接受MP3，MP3唔止音染強勁
仲細節超然地被刪除，人聲強力地被扭曲
背景出強地模糊，嚴格黎講唔係歌！
係一堆人類可識別既集體聲波...........