一年前既今日

當年，日日埋頭苦幹咁做份CIT coursework，好辛苦，好在有你係到......
係我最攰最辛苦既時候，有你將我凌亂既神秘脈衝穩定返
將我被痛苦折磨心靈都安慰過來
甚至打機都俾唔到呢種感覺，果種舒暢既感覺，做完這番事來成個人都精神曬
不過某D地方會有少少攰同痛......
佢令到我軟化，靜下來，叫我慢慢來，不要急，無所謂，努力，上呀！
整個人都精神返曬，但係就充滿代價，事前事後既功夫都唔少得......
但箇中既痛快、舒暢，確是說不出的回味無窮！

星期六或日都會做一次或兩次，花些少錢，小心翼翼地做事前功夫，準備好一
戴上了「它」，把短小精悍的「他」插入，細心咁享受「她」帶來既刺激同快感！

自從邂逅了「她」，整個我都變了，整個人充滿了精力
急燥、衝動頓時也消失得無影無蹤，但某D錯，我欠佢既，不但嚴重，亦無法彌補
都只好怪我一時衝動，按捺不住心中既慾望，又無事先考慮善後功夫......
結果，我就做左這番錯事來！......不！這不算是件錯事！

http://pkfsmuck.wordpress.com/2006/07/17/%e4%b8%80%e5%98%97headset/

6月左右，我舊既廢廢headset爛左，買左個新，都唔平，$9x，但係又爛- -
跟住再買，又爛，再買，都係爛！攪錯！忍無可忍，再見了大陸headset
我上網搵下D資料，搵搵下，搵到個好地方，但係佢地功力太強，我跟唔上
平平地買左個K81DJ返黎，如當日既日記般，試左兩粒鐘= =
大約$500.....即係當年全班第一既獎學金= =
最初，佢把聲又沉又怪，高頻好唔掂，低音可以話係壓住左把人聲
同埋個頭帶好緊，帶得好唔舒服......
但佢天生既聲質令我慢慢察覺到MP3原來係垃圾！結果我就走左去買CD
我主要聽既都係某D動漫歌同Air Suppply......我第一隻買CD就係Air Supply 既碟
自舊年既7月17日，整個我都變了，聽厭了MP3，加入正版音樂行列= =......

跟住，由聽Air Supply，慢慢到聽Michael Jackson，無可否認佢好適合用黎聽呢類歌
低音做得好，細節亦唔差，我鐘意佢呢樣野！佢係隻封閉式耳筒，隔音力強
果陣真係好攰，冇乜點愛護到佢，由得張電腦椅既轆係咁轆條cable
好在條cable個層膠係橡筋......唔係既話佢死左好耐，雖然E+都係死
點解我會知佢係橡筋，我之前既文章有講，條cable近3.5頭附近內部斷左
加上接近發聲元件既膠爛左，我修剪過條線，焊左個新頭俾佢......

跟住，唔知做乜，右邊既耳墊既假皮離奇剝落，同時，我隻右耳一樣都有問題
成日俾副眼鏡整到勁痛，左邊冇事架波又，唔通......係佢同我分享左呢份痛楚？
當時我冇買耳筒套去保護佢......因為有諗過會發生D咁既事

呢D都係我呢個「主人」既失職！亦係我一時衝動買左佢返黎得返黎既果......
如果當初買埋個耳筒套，佢唔會咁慘，如果當初我好好咁愛護佢
佢就唔洗受呢種痛苦，就唔洗用呢隻義肢，就可以更開心咁享受被欣賞既榮譽！

E+既佢，雖然經歷左好多痛苦既事，但係佢既聲質同我一樣變左好多
低音收歛左唔少，人聲越煲越出味，音樂感依然充足！呢樣係我覺得最對唔住佢既地方
我咁對佢，佢居然仲對我咁好........
我唯一可以同你做既就係買返個適合你既音源，咁先唔會再對你唔住！
的確有個partner係好事～......然而，E+個音源的確唔多掂= = 數碼味極重

今日落去飲凍奶茶，同K81DJ合照

凍奶茶，K81DJ都係我既至愛同時對我黎講都係意義重大
今日7月17號，係我個K81DJ既一歲生日，我乜都做唔到，只能靜靜地欣賞你......
今次影既呢副相，真係幾靚，不論外表，定係你既內在......

補返句生日快樂