又忍唔住讚自己聰明

琴日又係鴨記買左D料整線啦......
今次有D新意，純粹試D商品既效果有D單調
今次我將條4芯耳機線拆開左，本來係由兩條線pack埋一齊
我拆做兩條，再擰佢，做到佢好似上網用雙絞線既銅芯咁.......
我記得我個CIT呀sir話咁做會少D EMI/crosstalk，仲話我地有讀physics應該知喎= =
EMI/crosstalk唔係physics syllabus內架先生= =
琴日我就用K81DJ淨低既線頭線尾黎做條cellphone-to-3.5mm 轉換線
用左呢個方法，正
於是今朝係材料唔多足夠既情況下用D用過既公乸頭再焊過條線.....
問題係.....條線長2M，如果要整到佢雙絞，係極之麻煩同悶既事
仲要點先可以令到佢唔彈開呢，K81DJ條線係橡筋，層膠既張力令到佢唔彈開
但係呢條$3.5/呎既denko四芯耳機線唔係丫麻，硬好多，我用熱縮通箍實佢
頭尾都係咁做，咁佢就唔會彈返開啦^^......
雖然係咁麻煩，但最後我都做左，而出黎既效果亦令我驚訝......
正，高中低頻效果都好左好多，清晰左好多，我聽唔到雜音
一個字：正！
呀！平時聽落平平無奇既歌都好聽左，尤其是D人聲，受了清晰左既聲底既恩惠
清澈既人聲呀！正呀！
遲下唔止雙絞，因為有D雙絞線係有層金屬網......我遲下都會買返黎試
呵呵，我真係聰明啦

伊麵貓：喂！做乜冇相睇架
伊麵丹：唔好嬲，呀哥攞左部相機去書展呀