我都唔係第一次話我做左錯事.......今次係真係錯事...
之前同個headset 剪左D爛左既線，然後再焊返好佢
但果次焊得好求其...
今日諗住再焊，點知想mun走條舊線時，舊野彈左出黎
唔知點詳細描述情形，總之就爛到無法修理.....
係個發聲元件爛，即係出唔到聲，即係冇用......
唉，點解我唔練好D技術先整呢？
唉，點解我咁心急呢，點解我咁緊張手震震呢
唉........一歲多DD就88
唉........
聽日去動漫節，順手去買過個新既......當買個教訓
但係........手頭上既錢只係岩岩夠買......剩返低既錢唔可以做好多野.....
冇得聽歌，我係到呆下呆下......算係個靜思既機會
忽然間隻耳舒服左......
以前日日係咁聽歌，就算唔打機唔聽歌都 lup住個headphone......
發聲元件果粒超級磁石就日日係到影響緊我......
呀，可能佢真係太吸引，攪到日日夜夜都沉醉係聽歌到
的確一日lup住headphone既時間起碼六個鐘
原來我駕馭唔到既唔係打機，而係你......
我曾經諗過好多次打唔打呢D野上黎好......
但我諗如果我唔打blog，我會唔記得今日發生過既事！
同埋，呢間「屋」已經同我結合左，我唔應該對佢有任何保留～
呀，今年要慳D錢，仲要買harddisk+ sound card 架......
4 則留言:
為它而默哀一陣.
同樣果句,
如果唔識焊線的話就唔會發生咁事,
識少一樣,
可能仲好....
係呀，識得多唔一定係件好事...
喺你識得唔夠多至真,
夠料嘅就唔會出事啦,
千奇無好學上面嗰個咁話,
做多錯多???
你估你喺啲懶惰嘅公務員咩!!
唔做唔試,
你一世乽唔識喎!
我知我識得唔多
但好難識得多，呢D野好難搵到門路學
材料又係錢，工具又係錢
仲要邊到搵個師傅學呢= =
仲有，乜我似人係D做事不求甚解既人咩= =
可能係句「識得多未必係好事」累事
只係任性地埋怨自己既唔小心姐= =
發佈留言