想和做，做和想

前幾日係到諗做乜起身硬係要好耐先有好既狀態......經常瞓唔醒
但夜晚又好多野諗好多野想做，攪到自己好似好唔夠時間用咁
成日係到計住D時間，唔可以浪費時間.......
亦提議過自己做運動，事實上係有，但係一定唔夠半個鐘= =

其實一早我已經諗過時間既問題，成日計住D時間係精神緊張既表現
而且我都唔知做咩好，太多野想做啦......打機，睇動畫，聽CD......
結果打散曬D野黎做，做左好似冇做咁.......
「我仲有好多日子，慢慢黎啦」我知架，但做唔到

人係要有計劃，但有D野係唔可以周詳地計劃，例如時間.....
因為時間.....時間係......時間係相對既！ ( 自己去搵D相對論既資料啦 )
但我好自然咁想去控制時間，掌握時間，真係好愚蠢
但呢D野我係明架波，唔知做乜，諗果套，但做就係另一套
想和做，真係好大距離......

我經常諗點先可以令自己開心D，冇咁辛苦，但發覺呢個想頭係無謂既......
見悶，打機，見攰，飲杯野，聽下歌......
呢D係生活，生活就係生活，計劃就係計劃......
做就係做，想就係想......我D病睇黎未好曬，仲要再relax D......再hea D......
要我呢D緊張大師relax係件難事，但我會做......因為我想