卒之都忍唔住！

一直都係試緊點先可以用延長線又無損音質，但發現咁諗係太天真
我隻耳呢幾日都係到責罵我既愚蠢既行徑！
今日，屋企人出左街，我又可以用部卡式機CD出K81DJ聽歌
好正呀，唔制呀！......於是就唔再用延長線...
雖然要mun佢出黎係幾麻煩......但都冇計
可能係用左延長線會令訊號行既距離太遠，令訊號變弱
攪到D音質差左好多......又或者係條線本身質素唔好
咁又係，4蚊/呎既線點會夠 AKG D 原裝線靚......

E+唔用延長線，一天都光曬，可以再開心地聽歌......
但最終極既目標都係要換soundcard...之後就換CD-ROM
因為soundcard同CD-ROM先至係決定音質既關鍵
E+用onboard soundcard不論分析力，音場，細節同層次感都十分之差= =

不知不覺地已經踏上左「電腦做音源」呢條不歸路...又貴又難又煩
但係好處係無一套音源比電腦更方便去管理D歌！太方便啦電腦！