再見了......

話說3年前既暑假，有個人因為部機太廢既關係，買左底板，CPU同RAM
打算升級部電腦......一直都用得好好
到舊年，D 新game既要求開始淘汰我部舊電腦，慢慢被套上「廢機」一字
自問我保養同調較電腦既功力相當不俗，但就因為時勢既問題
部舊電腦卒之要被佢既主人遺棄了～
陪伴左主人3年，共途人生成長得最快既時候......
就好似個知心良朋咁不離不棄咁守候在主人身邊
有時候，甚至會被主人調戲，受武力虐待或遭改造，就好似個奴隸咁
但佢個主人又好細心，縱然部機唔勁，都被調較得十分好
亦間唔中會同佢清理積塵，太熱既時候就會買D勁風扇同散熱器幫佢散熱
悶既時候，又會買個新DVD-RW機陪下佢......
雖然間唔中都會唔聽話，但係主人心目中有著無法取代既地位
E+既佢，退休lu，同埋被拆成散件，分別收係唔同既盒到......
但主人知道，由得佢係到封塵唔係個好方法，遲早會變電腦垃圾，破壞環境
佢將D底板既說明書，driver disc同所屬底板放返入盒
準備將佢地賣出去，使佢既光榮使命可以繼續落去......
唔止底板，RAM同顯示卡都係......唯一無被佢主人賣既只係CPU
因為佢個變態主人將佢手上三粒Socket-A既CPU都當係收藏品= =
就係咁，佢既舊朋友將會係聽日被賣去市雜......被標上「二手貨」


伊麵丹：好感人呀，但係好似好熟咁既.....特別係幅相