打杖啦

殺到埋黎啦！死左人添啦！
伊麵丹：你又發咩癲.......咩打杖呀，發到埋黎？
仲有，呢個BLOG好似係我架波，你點解可以係到攪攪震！？

係就係打杖，但個戰場就係商場到，之前D外國佬話大陸翻版勁
E+就話玩具唔安全，今日聽電台，有間美國公司話回收第二批貨
話佢含鉛量超標，但就唔知超幾多......
之前亦都有間野點名指出大陸佛山既廠出既貨有問題
間野係一個香港商人係大陸設既廠......個商人前個幾日自殺身亡
懷疑係因為間廠將要負責二千幾萬既賠償......
咁仲唔係殺到埋身？

伊麵丹：你自己開返個BLOG打啦，我唔想好似新鮮仔個場咁太多時事冇人睇@_@

伊麵貓：唔洗理佢，繼續啦
我始終唔相信呢D咁既新聞，自從孔雀石綠、蘇丹紅、七味粉致癌之後
D有化學物品既新聞我都唔再信，只有懷疑，思索佢究竟有咩陰謀！
鉛黎姐，又唔係水銀，焊錫用既錫線都有鉛架，又唔見個伊麵丹有精神病
伊麵丹：．．．．．．
佢係驚D細路咬佢含佢吮佢.......咁既話果D係咪鉛已經唔重要，膠係致癌既
你件玩具唔好用膠整好冇！
伊麵丹：D膠Polymerize左就好stable，冇問題架
伊麵貓：你識D唔識D，polymerization中唔係全部monomer都會變做膠
有好多monomer都會留停係舊膠到，所以酒係永遠唔會用膠樽放
因為酒精係好好既有機溶劑，會溶曬D致癌既monomer........你一飲就會領野
伊麵丹：．．．．．．會考題黎既
伊麵貓：所以D BB含吹lai吮D膠果時會吸收左D未polymerize既monomer.....
咪一樣係有問題.......而鉛呢，佢係隻重金屬，會刺激同傷害神經系統
影響腦部發展......
但係佢地有冇諗過D無良商人低價賣D電子零件去大陸到處理
當地毫無保護裝備，工人直接接觸呢D開始被分解既電子零件同PCB
PCB上既膠，IC上既silicon，Electrolytic Capacity入面既Boric Acid，Sodium Borate
仲有Ethane-1,2-diol.......Boric Acid同Sodium Borate都有Boron呢種元素
佢係種半導體，Boric Acid同Sodium Borate都有Borate ion
佢係十分之毒既野，0.1 至0.5 g/kg既sodium borate就足以致命

PCB=Printed Circuit Board，IC：Integrated Circuit

我仲未講D Cadmium，Chromate同Dichromate......呢D野係電腦到都幾常見
但都係好毒......我地既同胞就係到幫D醜惡既外國人處理呢D野
又唔見D外國人理下我地！你地D細路既健康又咁緊張
不知所謂，根本就唔係因為健康問題而回收貨品
根本就另有目的！
所以話有化學品既新聞都係唔可以信，諗清楚D先好

伊麵丹：我個班主任都有咁教過我呀！