掃興的八號風球

傷心地賣左我D朋友後，去黃金搵廁所......
之後去正都，聽到條友好大聲話：咁多位同事，今日三點收工！
心諗做乜事呢～
之後繼續行，黃金有廣播，話就黎掛八號風，半個鐘後就會落閘
跟住諗住去鴨記，但果兄話去信和，所以去搭MTR飛去MK
去到信和地牢，D CD舖無落閘，好好采，但係就成個死城咁
無乜新野，上左去睇figure，都係無新野
跟住落返地牢買左隻想買好耐既CD，$110......正
然後諗住搭MTR飛返去鴨記，但係MTR超多人=0="...塞住左個閘入唔到去
之後就行路返去，3點八左右到鴨記......落曬閘
真係快手=.=......都唔係好大風大雨姐，洗唔洗收工收得咁快呀
( 其實返緊學掛八號風我都有咁既心理@_@" )
唉，諗住買D好線返去整VGA線添，唯有繼續練焊功啦／．＼
真係掃興，匆匆忙忙咁行黃金信和，仲要鴨記集體性快速收工......
唉，等個兜左個髮夾彎既死人颱風走左再去啦