正野～

今日出深水埗同屋企人買個叉電器，順手行下鴨記睇下有咩好野
見條Cat 7線$9/碼，買左兩碼，真係幾正斗，每對芯都有shield

圖中下面果條金屬本來係層網，整左做一條野之後先記得要影相
呢條野係STP中用黎焊係D shielding 頭到，用黎減少noise.......
同埋如果條線兩端個socket配合到既話可以earth左個網......咁就防埋靜電
同時我亦買左VGA線用既頭，但係今次個款唔同左
D針係黃銅色，個膠係黑色，怪怪地，同之前果隻唔同既野D針無得「蚊」出黎
我夾到D針彎曬都夾唔到出黎.......結果個頭唔用得，遲下要再買過=.="
激死，做乜批批貨唔同性格架

跟住去黃金買左D CD盒同shielding 頭，諗住用我之前條S/UTP整條LAN線用
點知個夾有問題......夾爛左個頭，其中一隻pin甩左出黎=0=".......
激死，又要遲下再出去買個，唔止頭，仲有個夾線鉗！
一個OK既夾線鉗都幾貴，真係煩，又要儲錢......唉


S/UTP：Screened Unshielded Twisted Pair，有遮蔽無shield既雙絞線
或 FTP，Foiled Twisted Pair