改制的中文卷

今日7點做<<新聞透視>>，係講今年香港中學會考中文科改制
談及份中文卷一：閱讀理解既Mock卷
第一篇文章，講一家三代散步......呀仔「咩」住呀媽
呀仔個老婆「咩」住個仔......
指出問題刁鑽具爭議性，搵左4個舊制中攞A同2個攞E既人做返卷
係舊制攞A同E既學生中，其中一個攞A同攞E既人竟然分數十分近
而兩個攞A既連一半分數都達唔到，令人懷疑試卷能否正確反映考生語文水平

仲搵左D 中三同學當練習咁做份卷，但得一個人答中果題具爭議性既題目
但佢成份卷得23分，但就連攞50分既人都答唔到......

仲有好多指出改制後有咩唔同既例子......唔詳細講啦

我做過果份Mock卷又做過今年份會考卷，兩份真係好相似
都係有一篇野問埋曬D九唔搭八既野......
首先，「舊制攞A同E既同學」...舊制...姐係幾多年前？
今時今日佢地既語文水平會唔會同當年一樣呀先生？
狀態，身份，氣氛同準備工夫同當年又係咪一樣呀？
都唔知比黎做乜，三千幾萬個獨立變數點會出到個真實既結果呢？
仲要可能果六條友知道唔計分所以玩野亂咁做......@_@"
up黎都唔知做乜春

第二，答中果題「爭議性題目」既人考得差，但高分果個人答唔中
超～不嬲考試都係咁架啦，計分制唔公平既地方就係呢到，無可能改變到
如果唔係考試又會無咁公平同埋無理性證據去證明個人既水平
加上本身個「水平」都係人定出黎，唔公平實有，做乜要特登講一個例子呢
除非唔公平既例子有好多啦.......
中文平身係種唔可以用客觀數據評價既野，但為左考試都無計
又係唔知個節目up黎做乜，咁小事咪咁睇唔開啦

我覺得D老師仲大壓力過我地，唔單止要處理我呢D中文廢到爆既友仔
仲要節目話考評局俾左三百幾篇文章做教材......真係好yeah，三百幾篇=0="
不過我呢D咁既料都考到level3證明我D miss呀sir都教得唔錯^^

當日準備考中文果時搵返份mock既marking scheme望望
果題爭議性題目既滿分答案既關鍵字：「反哺」超級令人無奈
咁大個仔都未見過呢個字= =......點可以咁大整蠱架......
之後就對中文無曬信心，會考完有種做左好似無做既感覺=.=
好采中文overall都有level3......

最鐘意係節目最尾果句：新制攞U既人少左，對考生黎講係種鼓勵