I've eaten a dead cat !

今朝返去頂替呀哥做外賣仔，第一轉，一袋$20一袋$69
其中一單地點奇怪，送唔到，俾返間舖，另一袋照送......
到後尾交返D錢果時發現唔夠數，原來佢唔記得刪返冇送果單
但問題係，$20果單定係$69果單呢？
我有送果單係好細袋，地點好細，得一個人，應該唔會食袋$69既
同埋兩袋重量分別好大，我記得重果袋係冇送
我根據呢點肯定冇送既係$69果袋
但係舖頭D人話無送既係$20果袋...........結果差額由我哽！
What The FUCK！下次唔再頂替呀哥啦，反正就黎唔做，咪唔做lor
問心果句，$20個鐘做到人成隻屐咁你覺得OK咩？任務又多又重又密麻麻
明明12點做到4點但淨係計3粒鐘人工，暑期工就係咁，純粹見識見識一下
下次做第二D工種，外賣仔呢D工作一定會俾人洽......分別在程度
又或者好似「某人」咁，搵到更好既人就即刻炒你！......絕不留情
無合約，無法律保障，無權出聲，無質格出聲，無聲出......
某D只會一世做「無聲出」既人，而有D就會做令人「無聲出」既人
但某D人就會令果D想令人「無聲出」既人「無聲出」......
唉......