陸運會 (上)

一年一度既陸運會，本應同往年大同少異
今年卻大異少同，個運動場同往年都唔同，因為係運動場既人唔同左

form 4果年陸運會，我同果兄+Dr. Lam去「逃亡」
機緣巧合地知道更衣室有大量人聚集係到打機吹水銼Dee
我就onon地咁跟佢地係到聽歌，結果有呀sir入黎掃場
當然我地中招啦，之後陸運會第二日我就同Ken Chan做臨記helper
form 5果年都係做臨記渡過
除左由逃亡變做臨記，由於識左Dr. Lam，生活、知識既圈子都闊左好多
佢精通多國語言，不時講解外語，包括英文
初頭我都當佢講既野係耳邊風，果時我對中英文都抱著輕蔑既態度
但慢慢，我被佢薰陶，係貌似充斥理性既腦裏注入一鼓新動力
同佢閒談語言，間接地幫助我改善英語，過程中佢介紹我聽英文歌
就係果時開始聽Air Supply既歌，慢慢發掘更多話題
越黎越投契，陸運會既lunch除左果兄，仲有佢陪我
記得form5果年，食完飯飯氣攻心，就係排石椅間既空隙瞓係到瞓覺
我都估唔到我真係瞓著左，果時自己真係太過冇用，一個咁既會考都攪成咁
陸運會完左果日，仲一齊去樓下飲凍奶茶
果次就係第一次以果到做聚腳點既地方，因為我成日係佢地面前話呢到D野飲好正
果次亦係第一次經牛池灣行返屋企，細個既我太唔懂事
乜都唔理，乜都唔諗，連屋企附近既地方都未好好探索過
果兄一直都講左好多一舊舊怪怪地既野，但我當時只係一味以為佢講錯野
總係認為我比佢優勝，當然E+唔係，只係我無用心去聽佢講既野
事實上，佢同Dr.Lam都教左我好多好多野
原本係一個kai子，on9仔，淨係識打機既黃毛小子
係果兄同Dr. Lam，係佢地將我從不堪既過去扯返出黎
可能真係三人行必有我師

今日，去到跑道排隊點名，學號照舊，班就完全唔同
除左唔見左我曾經睇唔起既S3既同學們同我一直都敬重既班主任
一個陪左我六年既fd，同一個教左我好多野fd
往年行過其他社都會留意佢地坐邊或者佢地個袋擺邊
今年，都係陌生既人，行經各社都會諗起所有人
好似入左間新學校讀咁......
只係一年之隔，竟然會有咁大既分別

今日既賽事完左，就急急腳行返屋企，路經樓下冬菇亭
心血來潮想買杯野飲，就買左杯凍奶茶，拎返去飲
拎返去既途中，同平時一樣開心、興奮
開始諗，真係想飲奶茶，仰或係醉翁之意不在酒