多口！

一返到鄉下，自然要忍受一樣野
鄉下人既強勁聲浪，比常人大聲幾千倍
仲要加上我D屋企人本身多野講兼大聲
well，呢幾日真係耳仔受難日......

講起把口，食錯野會死人，講錯野都會死人
古時有文字獄，E+有地方既傳媒、廣播受地方政權控制
講錯句野都可以隨時坐監！
造物主造把口俾人真係夠曬大整蠱......

返鄉下前，買左份蘋果報先過關( kekeke... )
係鄉下得閒冇野做時攞黎睇
好震撼地奧運辦得如火如荼
竟然仲咁臭串攞條老土到爆兼發曬酶既條例黎拉人坐花廳
又話人係披著袈裟既豺狼！
E+仲攞呢D文革式批鬥字眼出黎嚇人？食屎啦！
又唔見班仆街做到D咩實際少少既野俾人睇
淨係得把口！淨係識馬後炮！

一張口，可以攪到一個前途大好既人坐花廳
又可以煽動人民，挑撥是非、顛倒是非
但如果13億一齊好好咁用佢把口
口既意義，我諗唔會再係咁負面！