又高一層既享受‧發現與根除問題

今日手痕，行過鴨寮街買左幾個平平頭黎整線
手痕都一樣有前因後果既
話說我好想聽CD，但用PC聽好煩，唔同既碟都要再set過playlist
而且CD機既聲唔差，只係每次聽都要駁過D線
行緊鴨記時突然諗返起PC onboard soundcard有line-in
於是就整條3.5mm Male-to-male cable

買左幾個頭返黎，搵下屋企既「線庫」有咩線
搵到條兩年前買既廢廢Audio-technica 耳機既線
果個耳機D聲真係好唔合口味，結果落得解體收場
話曬係audio-technica，世界著名耳機品牌
條線唔會太失禮掛
結果都唔錯，冇雜音，可能係因為經過onboard soundcard
聲音濛左，但亦好過PC播CD
非常滿意效果，咁下次就可以全力投資係soundcard到


同時發現E+用緊既line-out 線有問題
間唔中都會有D 沙沙聲，特別係高頻
於是又再重焊多一次
重新焊過係好麻煩，因為留低既錫要用砂紙磨走佢
如果唔係就做唔到最佳傳導既效果
再焊過冇曬問題
發現問題係出盾我之前懶，以為個頭細細個
會夾住接地既金屬網，點知原來係唔OK
真係想偷下懶都唔得！