有咁既事？

今日chem堂做lab，做完之後成身唔舒服
頭又痛又脹，miss問我咩事
「我都唔知......」
「會唔會係索到D reagent
有人係對D alkane 敏感架，又頭痛又嘔架」
「唔知呀，我淨係頭痛」
「咁你搭巴士會唔會又係咁，又頭痛又作嘔
或者行街吸到D死氣又會唔會係咁」
......(你唔講我都唔覺，的確搭親車，尤其路途遠既，係會作嘔
行過旺角彌敦道亦有類似問題，但更加辛苦，心情會極為煩燥)
(點頭示意)
「咁你一定係有野啦，去飲淡水dilute返D 污糟野」
(咕嚕咕嚕咕嚕...)
幾分鐘後，個痛唔脹，舒服好多！
估唔到原來簡簡單單既alkane都可以攪到身體唔舒服
其實現代汽車排出既未燃燒既燃料已經係少過大陸D車好多
但係香港地呢個用石屎森林起成既大迷宮
莫講話人或車，空氣想自由咁行黎行去都唔得
一架二架車係到狂開死氣，儲埋儲埋好可能已經去到影響人類既劑量
呢個問題應該好耐之前有人講過
但問題係從來冇改善過，真係想毒死人？
我好有興趣知道點解仲會有遊客去旺角，未吸過高濃度廢氣汗水既混合物??