今日考完試，出深水埗買個新keyboard
見到個賣$11xx至$12xx既gaming keyboard
同賣開gaming accessory既RAZER出既幾款keyboard比仲要貴出一大截
但你只要一禁落去，你就會感覺到佢奇妙既地方
手指一按落去，一點阻力都冇
但係好快又會有一種實實在在既力
力度岩岩好，好似係到話你知：你禁左個制
但你輕輕放隻手上去，又會佢既力頂住
唔會輕輕擺上去都會郁到個制
按鍵關捷極度順滑，基本上用所有可能既角度禁落去
而力度足夠既話，你都唔會感覺到因為手指出力角度而造成既阻力
當我瘋狂咁用我既極速打字，隻手一D都唔攰
按鍵反應非常咁爽快，非常咁有實在感！
至於佢既其他功能，例如Macro( 簡單既Profile切換 )
同埋內置USB Soundcard
因為冇得試，留待有米人士驗證
總結，$1200左右，一個咁鬼好禁既keyboard
真係從來未見過
仲要有內置USB soundcard
假設佢有正常gaming用既標準，例如D 咩Dolby,THX, 乜聲道果D
咁$1200左右既價錢，真係幾抵
有打開機，對武器有D要求既人兼負擔得起既
唔應該吝嗇呢$1200
關於個keyboard，可以上台灣Gigabyte官網搜尋相關產品，連結
至於我買左個咩keyboard...見笑見笑，$49 清貨價既Logitech舊貨色
( 按：Logitech舊貨色都好鬼好用，不過貴，原本賣$8x )
6 則留言:
"口靚"仔錢係易賺啲嘅,
千幾錢買個keyboard試飛呀,
金融海嘯殺黎,
唔慳啲實做乞兒呀,
好難怪父母賺錢仔享福,
由得嗰啲敗家仔自己買啦,
真係食米唔知米貴呀,
唔出聲都唔得!
難得開心下都唔得:(
危機感係應該有
但活著係金融海嘯既暗影下被佢玩弄
亦都唔係好事
就算唔係金融海嘯都好,
千幾銀買個keyboard玩太折墮了,
有錢都唔好咁哂,
太離舖了,
你將來揾到錢都要切記呀!!!
我唔覺得花千幾銀買個keyboard會好折墮
呢個係享受既一部分
其他人當佢玩具係一件事啦
但我相信工欲善其事，必先利其器
當然，keyboard唔係單單用黎打機！
=__________=!!
咁你儲錢買啦!
流下口水姐
有錢買就有埋相俾你(地)睇啦:(
發佈留言