放學後突然想飲咖啡
去到最近既7-11，望黎望去都係果D舊款
唔想飲黎飲去都係果幾款
於是行去遠少少既一間7-11
有一隻我未見過既咖啡，Pokka出既latte
勁貪新鮮既我當然買左黎試
日本仔D野，未擺入口已經分到高低
個死人罐咁鬼精緻做乜，個拉環有個位俾你隻手指伸入去
罐既顏色好柔和，望落去已經好舒服
飲落口，咖啡味好明確，好清楚，好香
唔似雀巢咁D死人糖死人奶搶曬咖啡原有既味，係到喧賓奪主
日本仔D野，一向比起香港飲食係味淡一點
呢罐咖啡都係，味係夠香，但係就淡
對D日夜返工靠曬咖啡黎提神既朋友黎講一定係唔夠力水
但係我仲未折墮到日夜返學都要當咖啡係偉哥就啪丫！
題外話，間間7-11既老細都唔同，入既貨都唔同
望多幾間可能會有新發現！
仲有，有冇人發現到有咖啡係鋁罐裝既呢？
因為我覺得好奇怪，點解咖啡硬係要用鐵罐？
點解可樂硬係要用鋁罐？
唔唔，奇怪奇怪
5 則留言:
哩個問題要問吓我大佬至知了,
因為佢以前係金屬罐廠做過,
不過要等有機會囉,
佢係內地做嘢,
又唔係成日打電話揾到佢,
一年都係見佢一兩次,
要講機緣了!
哈哈，關係有點疏遠喎:(
要試下caffè latte先
latte係意大利文解milk (男性名詞)
乜真係咁忙咩?
幾日唔見人喎!!!!?
發佈留言