聊勝於無

聖誕聯歡後返屋企
突然內急，衝入廁所
好讓「大腦」透透氣！

諗起一個問題：
聊勝於無定無勝於聊
我即刻諗到幾個例子

第一，某機構舉辦活動，但人手不足
領導機構也許會話：搵多D人黎，唔勁唔緊要，有好過冇

但換個角度，果個領導睇野太過表面
佢忽視左外行人對計劃既破壞性
多個人亦可能多個危險性，多個包袱
人多好辦事可以變成人多手腳亂

第二，某貧富懸殊國家既窮困小童，三餐成問題
見到到乜入到口就食乜，唔諗得咁多
人地既冷飯菜汁，食唔乾淨既雞翼、蒸魚
一見到就衝過去食

窮困孩童冇得揀，有得食總好過冇得食
呢個係生物最基本既能力之一
而旁觀者則感到哀傷，憐憫
較激進既會覺得咁既生命毫無意義
就算有得食都唔會有作為唔會有貢獻，不如死左佢好過

第三，一個馬仔，視賭馬為興趣
連續蝕好多場，朋友勸佢戒賭
之後個馬仔贏左場
好大口氣同個朋友講：我贏左呀！
個朋友就話：果雞碎咁多，點填你蝕既果筆數
個馬迷就答：聊勝於無！