電腦節又黎
正如新聞所報導，好多店舖都推曬D貨出黎大平賣
$999一部唔知幾多像素既相機
唔知幾多幾多又有一個21吋LCD
幾多幾多又有printer......
平到不似人形
就算要排隊排到成個黃金都俾人海淹沒
都係一大堆人不辭勞苦要掃平貨
有著數，點可以視而不見！
我冇心情同D人好似打車輪咁打蛇餅
只係曾行經會場隔離
望過D牌子，D價錢
心諗，呢D牌子，就算呢個價錢都唔應該買
根據我D fd用後既評價
果幾隻牌子既貨質素很不可以
價一直比人低，問題一直冇改善過
大割價一直都係對付消費者既必殺技
中招者必um荷包
「平喎！望下啦喂！
望望下，好似有好野喎！
有好野又難得咁平，買啦！」
如果將頭果句同尾果句抽出黎，就會係：「平喎！買啦！」
從商者一個十分婉轉既做法、一個十分聰明既技倆
呃得消費者作一個十分無腦既決擇！
泰林清盤，電腦節清倉
兩個例子都仲唔夠多？
廣大消費者，醒少少啦！
4 則留言:
可否講清楚邊隻牌子呢?
你意思係未電腦節都唔係好多荀嘢執呢?
我相信香港冇人會攪個活動去益消費者...
今日返學，聽聞D手指黃金入面仲平幾蚊
隔個油麻地，係旺角既旺電話唔定會減價迎擊
的確電腦節唔係太多著數
係巴士站隔離間電腦舖話果到賣緊果隻BenQ LCD話就話平
其實個價係曾跌到$690
E+又升返到$990
我幾個月前已經發現腦場減價潮不改
DDR3跌極都係咁上下
DDR2一直去唔曬貨
一大堆LCD mon，一大堆printer
有貨冇人要
幾個月前起一直都係平到喊
E+一個電腦節...
我諗商戶大概都係想將所餘倉底貨甩手
迎接下一季新貨浪潮
可能係會平少少既...
但減價潮的確唔係今日既事......
仲有，D新聞影黎影去都係果幾個牌子最多招牌既姐
最搶眼應該係BenQ......
BenQ好多個禮拜前已經有人係黃金門口高舉大木牌...
佢既口埤又的確係差
同樣係韓國貨，LG都係好好多
係D手機樣子好突出
其餘可謂一無是處
Samsung 反而OK
仲未令人厭噁
不妨參考下
仲有......
我硬係覺得呢個世界唔會有咁大個show 賣荀野，小心小心
第三個仲有......
平，靚，正，荀
都要有用先得架！
D電腦產品多到浸死人
咁賣咁買唔係辦法！
人地清個倉姐
個個久旱逢甘露咁
諗下你有冇用先啦
唔通係屋企用10個LCD mon睇電視
係廁所擺22吋咩
我唔信香港人缺電子產品缺成咁
發佈留言