訓覺

冇呀，我乜狗屎垃圾都可以諗一餐，想訓覺時突然諗左一大堆野
( 證明我精神唔多好 )
今朝睇完新鮮仔一篇「Insomnia」
其實我都係幾難入睡既人，特別係呢排AL studylive
更更更更加難入睡，而且瞓得唔多好

之前一個表姐夫話瞓覺係為左第二日而作既準備
岩左一半
郁動左成日，人既身心都會攰
呢個時候休息一下，身心都會即刻放鬆
同時亦意味著一日既終結，戒備卸下，壓力放鬆
呢段時間最岩回味一下一日之間發生既事
有D人會反省一日做過既事
信教既可能會同神吹水
總之係攤上床上到瞓著果段短時間
可以話係好似迴光返照咁一日發生既事都掠一掠過
因為咁，臨瞓著既人或者攤上張床到既人
表現會較感性
估計係因為咁，「床」就有好多衍生用法，例如：「上床」
個人覺得張床咁細，做乜都唔方便
清潔又唔方便，又容易碌落床
床之所以有著同性愛既關係，可能就係因為即將入睡既人冇戒備
低壓力，意識薄弱，同埋變得感性

即使睇法再多，瞓覺既時間始終都係用黎休息，唔應該彈返起身打BLOG
( 咁我驚我唔記得左丫麻:( )
瞓覺先～喵