Nescafe Gold Blend

禮拜日同媽媽行惠佳百康
心郁郁想買D咖啡返去沖黎飲
望左好多個產品
一包包果D 幾乎全部都係有奶有糖
得D 一樽樽既咖啡粉或咖啡粒係飛沙走奶
買左一款唔太貴，細細樽既返去試下
Nescafe既Gold Blend

一打開個樽，成陣咖啡既香味湧埋黎
小心而且快手地用隻羹畢起D咖啡粒
快快脆封返樽野，驚死D香味流失

一沖，好大陣雀巢罐頭咖啡既獨有氣味
一飲，同雀巢罐頭咖啡既味完全唔同
反而有D似出面D cafe沖既espresso
特別係果種誘人既苦澀味，令人回味無窮既香味
唯一不足就係...我太孤寒，用少少粉沖得細果細杯，唔夠喉...

講真，早餐食塊包，飲杯咖啡，真係爽！