擬似變質咖啡

考AL前果個月，買左D咖啡粉沖黎飲
有留意我個BLOG既應該知......( 唔記得既打打 )
因為考AL...攪到個人好燥底，之後都唔敢飲咖啡
齋啡，咖啡，鴛鴦，成個幾月未掂過

今朝諗住沖野飲...
發現樽咖啡粉變左質
由金啡色變做炭黑色，顆粒變細，好似被壓縮一樣
唔再係粉粒狀，而係黐埋一舊，形狀就同個樽既內壁一樣
懷疑係潮濕或高溫令D咖啡粉變質，縮埋一舊
但係，咖啡既香味冇變過
於是我有個想法...

有D咖啡，同芝士一樣要發酵
咁，我樽咖啡粉，會唔會只係發左酵，變成更加味美既咖啡呢？
於是，敢於嘗試兼無聊既我就沖左杯黎飲
又咁岩得咁橋......屋企個電子式水煲壞左
我直頭攞個用個杯( 瓷器 )裝D水，用煤氣爐煲水
之後再落D粉，再煲，煲到起曬泡，灘涼佢，飲得！

結果，味道冇乜大分別，只係清左，純左，冇左陣衝上鼻腔既香味
仲有一點，就係酸味少左，感覺唔錯