浪費左兩年，頽廢左兩年，報應付一年

一個禮拜既反省，補救，詢問老師、長輩
飛的去報副學士，反覆查證學位、學院既認可，驗屍咁驗
事關，學生資助辦事處唔認佢個programme，就算有grant loan
再駁上去既degree將會冇grant loan，即係要self-fund

點解唔repeat????
一試定生死既考試太冇保證，萬一又好似CE咁考MATHS前發燒
假如升2個grade，即刻跌返曬
而且，5科有2科我唔想讀，但如果要扭轉局勢，5科都必須升一個或以上既grade
副學士，起碼有機會俾我讀我想讀既科，興趣加乘下，果、益會比repeat為大
就算萬一又失手，AL咁既成績，做鬼都唔靈
如果有個......副學士文憑，可以話係安慰獎( 當然唔值得慶祝 )

自從中五後，都未試過有呢種危機感，緊張感，同埋認真感
好簡單既「知道自己衰係邊，以為唔好再衰囉」既道理
每日都會係我腦海出現幾十次
由起床( 札醒 )，到訓覺( 輾轉反側 )
前後三年買返黎既教訓，唔可以咁輕鬆就咁放下，壓力唔可以就咁放緩

逃避現實，尋求捷徑，厭倦身邊物，挑剔鎖碎事，忘記幸福手已握
沈迷享樂，虛渡光陰，無視老師言，聚焦喪志物，報應在手悔莫及

冷靜D諗，repeat係一條路，但唔係唯一既路
副學士，同樣有風險，但係比起repeat
可以更早擺脫呢個仆街既考試制度
更早適應大專生活，人面亦較廣
當然，諗得太表面，太理想化，亦只會行返回頭路，要時刻警剔自己，保持警覺
3年既犧牲，希望、一定要換來更理想既未來