換新枱 - 後篇

枱運到黎，師父超級快手，好似摩打咁狂裝
充電式電鑽用左兩舊電
大約有百幾粒鏍絲
用左8~9個字時間先裝好
聽起黎好似好大張咁，其實都幾大張
不過設計唔浮誇，反而係簡潔、舒服
可惜既係右面個櫃下面冇預留大量空間俾部電腦
要擺佢去左手面，而市面上得好少機箱既安裝位係設於右側板
擺佢係左面，明顯唔方便我打掃、換野
值得讚既係細細個既keyboard板下面有可伸縮既mouse板一塊！
mouse、keyboard終於放係同一個水平面上，十分符合人體工學
而且佔用空間少，keyboard板既空間好夠
張mouse pad卷住mouse放係keyboard上高仲可以塞返塊板入去
整體上，夠大，夠簡潔，設計不俗，同埋夠平，係張抵用既枱！