身在福中不知福？

和記寬頻越黎越令我想爆粗
唔穩定，慢，特別係海外連線
今日仲連MSN都上唔到，要用Proxy！
但Proxy唔係咁易搵，亦都唔係咁安全

過左成日，一樣都係上唔到MSN，Proxy亦都只係時得時唔得
都唔知香港D垃圾網絡供應商做緊乜撚野，冇撚用
仲夠膽收人錢......

不過話事話，外國既寬頻，一來貴，二來真係唔多地方有access
因為香港人口密度高，地方太細，需要既光纖同舖設既時間都相對地短
可能因為咁，香港應該係寬頻普及率最高，覆蓋率最高既地方
亦都可能係第一個有平價民用1Gbps光纖入屋寬頻既地方
當然D服務......見仁見智啦
咁你覺得香港既寬頻好定唔好...商業上好，但服務差，連線甚不穩定
咁同外國比，我諗真係有點身在福中不知福