微笑

學校果一帶偶爾都有外國人經過
同香港人最唔同既除左身型同膚色外就係佢地多數都笑面迎人
令人感到好舒服
學校果一帶既本地人，99.99%都係苦瓜乾咁，額頭刻左個「苦」字

或者真係好辛苦，都唔好刻個苦字係頭到
人地見到你、你地，明明好開心都變得冇咁開心
明明已經好唔開心，俾你整到仲唔開心
好似細胞分裂咁一傳十，十傳百

咁點解鬼佬又可以笑面迎人？
唔通佢地D 基因比我地優良？
當你有咁既諗法，就已經知道你覺得經常掛上笑面係一件好事
咁點解仲要刻個苦字係額頭？潮D??型D??
甲：「喂，我返工壓力好大喎！」
乙：「明知大壓力都做落去你係咪犯賤架？」
甲：「冇工開冇飯開到時唔到你咁牙斬斬！」
乙：「咁既然冇得揀，開心又一日唔開心又一日，做乜要咁傻刻個苦字係額頭」
甲：「咪咁天真啦！」
乙：「咪逃避問題啦！」
甲：「再啋你都傻！」