Red Faction Guerrilla

\

背景係人類發明左一種令人類可以係火星生活既科技既年代
人類發現火星有好多值錢資源
數個大型企業請左大量人去火星開採資源
其中一個就係主角，佢既身份係爆破技師
但係去到火星，發現當地企業同軍方( Earth Deferense Forces,EDF )
一齊欺壓、搶掠、濫殺火星既工人
主角去到火星之後知道主角既呀哥加入左一個叫Red Faction既革命組織
但當主角去到火星之後冇耐，佢呀哥就俾EDF殺左，自己亦被通輯
被迫向Red Faction求助，即使主角本身唔多鐘意Red Faction

遊戲好似GTA咁屬於開放式探索模式，主線任務較為少
主要係要參與游擊活動去削弱 EDF 控制同埋增加士氣
當EDF既控制去到零，就可以接解放區域既任務

故事幾短，但要爆機都幾需要時間
因為呢隻game既賣點係游擊同埋破壞
遊戲入面所有建築都可以破壞，破壞後既車或建築都會掉殘骸
D殘骸可以用黎幫主角買裝備、武器

任務主要係破壞同突圍，屬正面交鋒
部份任務都會俾一D特別既機械或車，可以輕易地殲滅敵人
另一堆任務就要求避開軍隊，行小路，要求變通、走位

故事唔算太感人，又唔係太震撼，不過玩兩玩就會好自然好憎 EDF
最後見到 EDF 大軍兵敗如山倒，Hydra宇宙戰艦被氣化果幕真係令人幾興奮

呢隻game好似仲有Co-op，可以同fd一齊做任務
不過要正版......
不過故事或者系統都未可以吸引到我買正版...