蘇菲的世界

幾個月前問個朋友借左本簡體版蘇菲的世界
基本上繁簡體我都係咁睇，冇乜問題
不過個朋友唔多鐘意睇簡體，就左俾我

呢本書，真係大人細路哥都咁岩睇
俾d乜都唔知既細路睇又得
俾d以為自己識好多野既呀叔睇又得

可能有人仲未估到呢本係咩書
好簡單，哲學書

講一個十四歲小妹妹成日收到個怪人既信
個怪人係信入面講解好多哲學的知識俾佢
感覺就好似係個怪人對住你講解哲學咁

本書睇左五分一左右，都只係得閒先睇幾頁
每次諗起書講既野，個腦即刻好清晰！
實在係本值得推薦既書！