資訊與接收者

某人某日夜晚食晚飯
開電視，睇電視
一如以往
大吵大鬧大擾大攘大是大非大喜大悲大奸大惡
即係所謂「大作」，好大咁老作
難為有人睇到津津有味......

A：咩片黎架
B：你咪駁故啦，總有D人係咁樣諗野！
A：......有人咁諗野又點，唔俾人地諗錯曬D野架咩
B：咪嘈啦！
A：......

往往都係咁，古裝劇爭寵，現代劇爭身家
談情錯愛，拜金唯物，價值扭曲，階級化標籤化......
稍為好睇既一年只有一、兩套
運氣差既一年都冇一套

A：唉，如果可以唔睇住電視黎食飯就好
B：......咁你想睇咩丫
A：乜都唔想
B：咪咁啦，呢D野現實真係有架
A：現實夠有人去死，唔見電視劇入面D人個個去死
B：......

有人彈，但又有人讚
唔品味低俗，又唔會有咁多睇( 多數人既品味都頗為低俗 )
唔大大咁老作更加吸引唔到俗人
呢個世紀，資訊嚴重氾濫
好既壞既，荒謬既理性既感性既出篇大論既煽動離間既
應冇盡有！
把持不定，立場不清者，易中當代資訊陷阱
浪費心神氣力事少，正中愚人把戲下懷事大
惟信念不移，堅定不屈，面對荒謬，批判現有價值
先至係解決長存心中既文化桎梏既靈丹

由細到大，D大人都叫細路睇多D書
但咁係唔夠，書帶俾人既資訊
1，太舊
2，太多
生吞活剝，不曉變動既人，我諗睇再多書都係廢人一個
乜書都照睇，乜狗屎垃圾都掃入眼內既
基本上就唔係掌握書中玄妙智慧或理性經驗或動人情感
而係被充斥玄妙智慧或理性經驗或動人情感既書掌握你既閱讀

睇得多書唔係唔好，識得揀識得睇，會比數量更有意思

上網如是，不過知識更為氾濫，對錯更難判斷，版本更多更難取捨
煽情既更為煽情，荒謬既更為荒謬
網絡世界既混沌無序已經令曝露於互聯網最多既年輕一族無所適從
甚至迷失方向，習慣或本能地依附於網絡上既某社群
例如forum, facebook, online-game(MMO)
原因好簡單，搵到岩咀形既人，有共同志向或興趣既人

無奈既係網絡上既美好既東西比現實既更實在更易接近易了解
怎能令該群年輕人留戀現實？

其中一種極為有力既方法就係物質，物慾
因為物質帶來既快樂就係最直接，最實在
對已經迷失自我既人黎講，手上持有造工精妙既傑作係最大既滿足
另外一種方法就係好老土既同輩或同伴
將自己既心( 慣性動作、思維模式、人生方向 )
交俾同伴，而同伴就有如一個人生既模範
不知不覺，就會被網絡上既同輩同伴同化
人性內在就自自然然完完全全迷失左

外來刺激，知識，感覺，滲入既雜質越黎越多
當你評批完他人他物，望返轉頭，發現自己既無知無恥既時候
你仲會唔會覺得你既所謂「自我」係可靠可信可依賴？