兒童節快樂

成年人，或者習慣左精心策劃。
或者接納左俗世的眼光。
或者成年人既意識被同化，心靈被權力、慾望、壓力、疲勞所矇蔽。

不過，成年人懂得細心，體貼。亦了解自己的內心，
使得成年人能更由衷的關懷人，體會別人的關懷。
以及，最重要的，就是體會別人之間的關懷。

人海茫茫中，在俗世當中看到人性，看到人與人心靈的交流，
就只有成年人才可以做到。

雜念，崩潰的思路

初中時曾經很喜歡亦很善於畫畫、勞作
因為一D 緣故，呢一年同有畫畫既人接觸
E＋ 諗返起，一個完全唔善於畫畫既人，應該同佢地有距離感至係
就好似唔多識電腦／數學既人唔係幾接觸我一樣......
都好合理，對未知既事物保持距離係野性本能，用黎保護自己

但問題就係我感覺唔到同畫師既距離感
而我，卻有點怕畫畫，怕畫得唔好
想放下自己對自己幾乎係嚴苛既要求，但往往持續唔到好耐
好似完全主義者咁，好快又會過度批判自己做出黎既野
亦要求自己，一係唔好做，一做，就一定要做到最好
聽起上黎呢種態度幾積極同有建設性
事實上，對自己會造成無人可以想像到既精神壓力

或者，我應該諗下點放開一點，讓自己試下，大膽D
或者，我認為會做唔好既野，試試下，會變好
又或者，呢D 係康德所講既"self-imposed immaturity"......

聽上黎，同世故既「成年人」既行為差唔多
係佢地察覺唔到？定係「相信」左自己冇法從現狀掙脫出黎？

﹣﹣又或者，只係自我既思想抑壓
但若果冇左意志，理性，感性
剩返既，就係人既本能
若然要活得只剩下本能，又為咩呢

寂寞

家既環境差，細個果陣屋企已經好像被人捨棄左咁
呀哥神神化化，大個左先知佢好大機會係自閉
阿媽又老，令到家庭狀況好複雜（而且都幾危險）

好唔容易挨左近十年幾乎冇乜歡樂完全唔充實既歲月
唯一既歡樂既都只係打機同玩電腦
咁都冇計，冇人陪我玩，唯有自己一個
心想上到大學會有大轉變
轉變確實係有，但係呢個聖誕、元旦，好大機會都係自己一個
咁樣睇落，情況好似仲比中學果陣差！

我又唔係唔合群丫，我諗我又冇講錯好多野得罪好多人
點解我會成日都冇人陪，但周圍既人成日都有人陪（同埋陪人）
我唔去搵人，基本上都冇乜人會走黎搵我／陪我，特別係大時大節
唔通真係整定要一個人孤孤零零？

家的感覺

如果家裡沒有什麼堆積如山的報紙
殘舊不堪的鐵窗
胡亂堆砌的大大小小的書枱書櫃

屋頂裝上數盞令人感到家的和諧的日光燈
書枱上放著我喜愛的電腦周邊，書本，文具
左邊有一個雜物櫃
右邊有一個大書櫃
身後是幅沒什麼佈置或裝飾的牆，和一扇門
再加張單人床

如果我可以有一間單人房，擁有自己的空間，自己的天地
就死而無憾了！

轉一轉環境

Blogger同Google一樣越黎越多更新
現在既Blogger俾用家既Template都靚左好多
( 雖然我覺得都幾普通......

搵到個幾襯我好喜歡既淺黃／淺咖啡色既template
就諗都唔諗開黎試試

排版方面唔係幾fit，不過感覺都幾新鮮

最近真真正正打BLOG既時間係冇
連訓覺既時間都好勉強
但生活真係好充實......充實到好難擠出時間俾自己休息

算係吐左D 苦水啦

大學既生活同感受臏係太多太充實
有時都幾百感交雜
唯一一句「好聽D 」既說話就係
冇曬左果幾萬蚊學費

閒談Web Design

由於身負既莊務關係，要寫個網頁
功能唔需要好強大，能夠有效咁Present 我想Present既Idea就OK

嚮呢個聖誕假入面花左唔少暇餘時間探索Web Design既世界
當初目的係想搵D 靈感同埋技巧
後來就越黎越欣賞D 日本仔簡約而巧妙既Web Design
主要係運用自然既顏色造成既虛實，以及美工文字
仲有千奇百怪既版排，真係好精采，個Design同網頁既功用係密不可分

歐美既Web Design既First Impression比較強烈
主因係歐美既友仔好識運用彩色同埋Pattern，圓圈，直紋，曲紋之類
同埋不規則既簡單圖案，當中或許有好多數學
不過有時會好九唔搭八，一個講電腦技術既Portal可以好Artistic.....
但個印象係十分深刻同埋好有衝擊

不過兩種Design既特色都有共通點，就係以用家既角度出發去設計觸發
例如玩弄一下a:hover，li:hover，etc黎做Highlighting
好讓用家知道你隻mouse over既object係關於D 咩
仲有版排既學問，皆因人既眼第一直覺注視既重心係有得study既
放得好既message係唔洗好詳細去望都約莫估到係唔係自己想搵既資訊

點都好，我幫支莊design既網頁都幾入門級......同我個BLOG一樣咁頹orz
不過都叫靚過好多支莊:>
有空再design個BLOG

好極

忙到飛起既sem break，莫講話休息
抽空去飲杯野既時間都冇......
而且仲唔夠訓，十分躁熱

下個禮拜又要返學了！但呢個禮拜已經派左homework
開學第二個禮拜就要交......
份野唔太難，但就好多分題

點都好，生活感想應該越黎越貼緊學業同埋莊務
仲諗住有D 時間去睇下書.....睇黎都係得閒先望返幾頁:(