器材問題？

今日問個fd借左隻Sarah Brightman隻La Luna( 大陸版 )
即刻搵左個地方試，果到有我果個headphone試
就揀左隻CD-player播黎聽聽
都係聽返Scarborough Fair
感覺同係屋企聽既完完全全係兩回事
屋企聽，係DL返黎既APE
模糊不在話下，高頻音染濃得攞命
係果到試，亦感到高頻出現音染同不真實既定位和細節
不過中頻同樂器既細節清晰明亮
整體感覺幾好
睇黎係我DL返黎既APE太差同埋器材不宜聽高頻

唔止試Sarah Brightman隻碟
果到仲有D俾人試機用
我攞左隻玉置浩二既Best Harvest日本版黎試
都係試"悲しみにさよなら"
原來呢隻碟係後期玉置浩二 "light-hearted" 翻唱版
慢版好多，亦更表現出玉置浩二功力既成長
同當年安全地帯既作品風格明顯唔同
絕對唔會有濫作既感覺

發掘古董CD-RW

因為執屋去舊迎新既關係
我可以買D新儀器返黎
詳見下面果個貼，或者click下呢到

於是我重新涉足呢個新秘領域
一位玩家話佢自己既CDROM入面
Maxell既CD-RW rip得最好
諗返起N年前部電腦的確係用Maxell CD-RW
因為有新機，我收埋左佢
E+攞返出黎，試下rip啦就
隨心咁揀左岡本真夜隻Smile黎rip
結果用陳年CD-RW 用EAC rip既WAV係好聽好多
仲有種低階CDP俾到既感覺
直接播岡本真夜隻Rise I
播返佢既成名作Tomorrow
節奏感同氣勢仲好過E+果部大大部
非常咁開心，效果大過換條過機線......
新不如舊的確有道理！hahaha

Headphone發燒友要試試

琴日狩人提醒左我foobar2000出左0.9.5.3
上去DL左
順手check下plugins
發現左個叫4-front headphones既plugin
話可以改善headphone既定位問題
DL左黎試下
攞岡本真夜既Tomorrow黎試
冇用個plugin就好似條友未瞓醒咁
聲線好檬，定位模糊，部分細節脫節地突出起來
用左個plugin後，人聲順暢左，高低起伏變得更明顯更有美感
儀器既味道冇乜變到，但係質素上改善左好多

記住，呢個係用Headphone黎做既實驗
用喇叭、Earphone/IEM既效果可能會有出入～
同埋個plugin好似唔多夾foobar2000 0.9.5.3...
網上亦都有傳一D plugin 係新一版foobar2000都郁唔到

享受再提升

之前個mini-Hi-Fi壞左
經我初步分析，佢個喇叭輸出壞左
估計係個amp壞，因為signal output另一端既headphone無問題
暫時都冇打算大規模地解剖佢
E+擺佢係我張枱隔離做我既私人CD-player!!!
kekeke......爽死
呵呵
一返到屋企，開著CDP，成個人放鬆曬！

瘋狂的新計畫

忽然諗起樣野
E+部多功能DAC有得出喇叭
如果我用喇叭條線出headphone會點呢？

喇叭同headphone output唔同在個amp
通常喇叭輸出會多一個amp，通常係後級
output power強勁好多

我搵返D線，好簡單咁切左D膠，直接隊入去......
播黎聽......
低音實在左，震撼感好強，人聲更有味道
但底嘈都強勁左好多......
睇黎底嘈問題會成為下一項工程既目標

onboard soundcard既line-out

今日諗住諗計解決音源底嘈既問題
底嘈就攪唔到
但就發現soundcard driver set左個line-out

平時用開綠色果個plug，係用黎插headphone
從個driver個control panel望到default line-out係黑色plug

轉左用soundcard個黑色plug後，發覺D聲好唔同
之前用部電腦聽安全地帯既歌覺得好混濁( CD機冇呢個問題 )
E+轉用line-out駁返去部DAC到
感覺清晰左好多，清晰到好清楚感到onboard soundcard係垃圾...
D人聲差到嗌媽媽，背景音樂細緻有動感
但人聲就厚到一舊舊咁......唉

仲有，駁左去line-out，都係有底嘈
不過就少左，而且聽落去唔同左...
伊麵貓：雜音咪雜音，唔同左都係雜音...

毒聲波綻放！

今日出鴨寮街，諗住買線買頭買工具
不經不覺我自學玩辣雞DIY cable已經有一年左右
係時候俾自己用D好D既工具同材料
今次買車佬一芯一網銀訊號線，$6/呎，stereo要兩條
各4呎，共$48，幾抵玩
3.5mm頭我用neutrik ，$23
RCA都係neutrik......$8.4 X2
順手見到幾靚既鉻鐵咀同好平既辣雞座+平台

開工！
一攞個辣雞出黎，發現個鉻鐵咀唔知俾咩整到彎左
好采買左支新既咀
一用......發現原本果支送既咀垃圾得很
辣雞座唔洗講，之前用膠紙座......
平台？haha！問呀媽攞左幾個衣夾
線又夾，頭又夾，左夾右夾，易焊左好多
之前...
用D「磚頭」黎壓住D線...
一隻手渣線渣錫線...
well，真係方便好多！


講下製成品如何
我焊條線既過程都係聽緊歌
岡本真夜 - もう一度だけキスしたかった
一焊好，pause個player
換左條線，再resume......
=0=...呀！被毒力秒殺
呀！...........

客觀黎講，分晰力高左，聲底更清澈
人聲較暖兼更有味道，但低頻稍被削弱
不過因為個headphone D低頻本聲好勁
少少既削弱影響不大
反而起到襯托出中高頻細節既作用
唔止咁，人聲既感染力強勁左
果刻過渡，真係毒到呆左......

忙碌後的兩日

最近呢個星期都忙到乜都做唔到
星期四終於得閒做自己野
醒起屋企仲有部卡式機仲未試過
拎左佢出黎試下

我自己聽CD都係用呢部機，覺得幾好
但E+駁左落部PC，D聲差過我用緊果部好多
音場、動感、人聲、層次都差好多
咁我就搬返原先部機黎用
原先部機有一個幾致命既缺點：播唔到CD
播CD既功能係有，但壞左
之前我講過我整返好另一部機，我今次都試下
點知今次部野壞得好嚴重
個LASER頭唔正常咁移動
攪到我食左幾次<1秒既LASER = =

怪事一件接一件
明明我禁disc1，佢個摩打轉既方向係推disc2出黎...
但係個LASER未縮入去，kick住disc2個panel...
攪左我個幾鐘！可惡！
最後放棄

駁返入部PC到，發現D聲唔同左，檬左細聲左
我係卡式機到較大聲D
發現除左大聲左，聲質都好左，清晰左
咁我就試下係PC較細聲，卡式機較大聲
結果係音質好左
PC soundcard 既雜訊少左好多好多
換黎既係部卡式機本身既底嘈......

E+要做既就係買料返黎DIY，盡力減少D底嘈
首先係signal 線，佢係靈魂，不容吝嗇！

待續...
to be continued...
つづく...

Foobar2000 0.9.5.1 Beta2

N年前就轉左用Foobar2000
以前係用Winamp，覺得個skin幾ok
當年既foobar2000，可以話係簡陋
介面唔user-friendly，功能奇少無比
不過，佢音質十分好
當年淨係聽MP3都覺得foobar2000音質好
而且佢可以裝plug-in
例如ASIO、ASIO II
又有得set resampler(PPHS)
set完，更加係無敵

E+既foobar2000，一版比一版更好聲
唔止，介面都改善左好多
真係要試下！
下載連結

遺下的卡式混音機

事隔兩年，呀媽執返好老豆個工作間
發現左部卡式混音機
原來係老豆話佢D聲唔好，所以用第二部
呀媽E+都係用果部黎聽電台

而就我拖左部被遺棄既機出黎研究研究
初頭好震撼地D人聲好毒
但聽耐左，部機音場過窄，冇乜癮
第二日，屋企人出曬街
我拖左老豆話好聲D既果部機出黎......
傻左，唔得，毒傻左
之後同呀媽換左部機

問題黎啦，部機係紅白頭Aux-in
我只係攞條唔知邊個買定係到既線用住先
琴日我出街買左兩個RCA頭
今日，用返之前D線黎做條線
wa......
高頻部分唔再咁尖，細節好有動感
不過D人聲都係差少少
我諗要移動埋個Soundcard先可以改善問題

E+咁，新年利是就唔洗買USB-DAC
可以集中銀彈對付Soundcard！

PE堂後既下午

琴日PE堂又去左打保齡
之後又去左HMV，睇下有咩碟擺左出黎試
先行入去"Classical and Jazz"
見到有隻雜錦有藤田惠美唱既Rose，就攞起headphone試下
(之前上網見到有人提起藤田惠美，於是記住佢個名)
感覺係幾特別，我一路都冇聽日本妹唱既英文歌
一聽，就覺得佢口中既英文好多時都係用口腔前方發音
就好似日本一樣
但英文唔係，除左口腔前方，後方，喉嚨，甚至更深的地方都要發音
所以初頭聽落去有種唔自然既感覺，即使佢D英文咬字係好清晰

聽到中段，開始感受到日本女聲配合英文走出黎既味道
日本女聲中頻、中高頻都好甜，好實在
但係唔知係咪日文高低起伏唔多
藤田惠美唱既英文字裏行間都係冇乜高低起伏
英文係好強調呢樣野既語言
所以聽多幾聽，雖然把聲真係令人津津樂道
但都係毒唔到我買佢既碟......可惜可惜

之後行返出去，見到Bee Gees同John Lennon既碟
一提起John Lennon，梗係要聽佢首Imagine！
Bee Gees個sampler就衰D，有error= =
好冇feel，諗住佢D首Night Fever架麻
跟住播Stay'in Alive，又播唔到
跟住禁之後果首，點知播左Stay'in Alive最尾果部分出黎= =
真係俾佢激死！

*因為琴日太攰，所以今日補打

機緣巧合

咁岩琴日部DVD-RW突然壞鬼左
佢唔伸出黎，又load唔到碟
我諗要買過部
呢單野令我心思思想試下用舊既DVD-ROM rip既WAVE
同用DVD-RW rip既有冇分別

我用舊既 Lite-on DVD-ROM黎rip
一rip已經有心理準備D質素會好D
因為佢detech pre-track gaps同ripping都快幾倍
今次試既唔再Air Supply啦，係The Carpenters隻"Love Songs"
我用入面首"Solitaire"黎試
發覺部DVD-RW rip既有個位置唔多清晰
聽黎聽去，果個位都係檬左一噠
用舊果部DVD-ROM，果個位置細左，移上左，較少接觸到
音樂味同人聲都因而好左，十分令人感動
但依然同CD有好大距離......
遲下儲錢買個二手Plextor CD-ROM，如果有既最好就SCSI啦
不過SCSI CD-ROM二手都 >$500......

後記：我諗可能會所有CD再rip多次=0="......

補充：
上網搵左陣，發現更多好既CD-ROM牌子，例如Yamaha，Teac
問題係出產時已經係好多年前既事，莫講話二手，十幾廿手都好難搵

屋企人返鄉下

伊麵貓：好慘呀，留低我一個
伊麵丹：hehe，可以做D平時唔敢做既野lu
伊麵貓：例如呢？
伊麵丹：將屋企部大大部DAC+CDP+錄音帶+收音機多功能機抬出黎
再由部PC駁去部野條 Line-in到
hehe，我之前焊左果幾條延長線大派用場lu
伊麵貓：咁跟住呢？
伊麵丹：聽歌lor～
好正呀E+，Digital-analogue既轉換都唔洗用底板塊廢onboard soundcard
你知底板D線路咁亂，去到soundcard張chips果時都唔知幾多noise！
我都仲未彈佢D廢chips！
E+用果部機做DAC，好左好多好多好多好多
其實呢部多功能既野唔係部正式用黎聽歌既DAC
不過比起淨係駁onboard soundcard都已經正好多好多好多
低音多左動感，人聲D層次出左好多，呀！
( 我用安全地帯IV既WAVE黎試 )
所以D人花咁多錢去攪佢個音源，買膽機黎玩
係十分之咁正確！
伊麵貓：喵～ 一D都聽唔明你乜野喎 喵～
伊麵丹：仲有一樣野平時唔敢做，而你一定知咩黎
伊麵貓：咩黎架喵～ 食唔食得架喵～
伊麵丹：殺左你再煮黎食！諗起都開心！

你變啦！

自從擁有左岡本真夜碟後
日日都聽佢D歌......
照道理用另一種類型既歌煲個headphone
效果應該會唔同左
今日打完機，開foobar2000聽返佢D歌
突然發覺D人聲有咗層次，中頻冇咁模糊
低頻、細節同音樂感都係差唔多
人聲毒左唔少
有D地方定位、層次依然怪怪地
之前有次去通利試返隻K81DJ，用K240S、K271S、K701比較
發覺D層次感同定位真係好唔得
睇黎係時候儲個新Headphone......
目標：Alessandro Musical Series 1
伊麵貓： 噢！你變心啦！

醒覺？

今日又睇左陣歌，初頭都以為set好個equalizer好無敵
慢慢發覺到開equalizer既弊病，成首歌會走樣
本來聽D新既jpop都ok，但聽返air supply同岡本真夜既歌......
開始忍唔住，有時好圓滑，有時好毒，有時感到刺耳
開eq就係咁，雖然只係斬腳趾避沙蟲
但唔通叫人默默忍受個垃圾onboard soundcard D聲咩

今晚又播CD聽，呀......始終係你好
有好既儀器冇好既歌係本末倒置
有好既歌但冇好既儀器就係折磨
我完全接受唔到呢種折磨......
改變harddisk 計劃，儲埋果$500，等到新年
連埋D利是錢，應該夠買張soundcard！
要努力！

伊麵貓：一個耳仔既奴隸

吸毒既晚上－調較Equalizer

琴日除左吸毒，仲有進一度調較Equalizer
我平時聽果D jpop純度過低，無法用之為調較equalizer既範本歌
當然都係揀返Air Supply既Come What May
調較完成後，就繼續聽Air Supply既歌
結果就......詳情可以睇返琴日打既<<吸毒既晚上>>

今日係學校，諗起Fate/Stay Night 14集ed，樹海既ヒカリ
之前燒佢入RW碟，攞去CD player播，把聲毒過PC......
睇下我調較左equalizer之後會點

返到屋企，即刻開黎聽......如我所料，毒力上昇不少
之後再聽平時幾鐘意聽既jpop( 其實都係anime op/ed )
個感覺正是我想要既，低音個底穩固強勁，人聲、中高頻較之前突出
我諗呢個equalizer config.可以撐到儲夠錢upgrade PC音源
真係好無敵，平時覺得平平無奇既歌味道濃左得黎唔會混濁
真係唔可以唔讚自己聰明XD
伊麵貓：劊子手侍候！

吸毒既晚上

食完飯，上上下網，心血來潮想聽 Air Supply D歌，順手調較個Equalizer
先聽至愛Come What May，再聽Goodbye
然後開始邊聽邊做功課......
直至聽到Taking the Chance後面果段長氣高音
wa，毒到呀媽都唔認得，救命，毒入三分，呀！
偶然咁樣自瀆，呀唔係，自毒，都唔錯架～
伊麵貓：你條變態仔！

本來今日真係好攰，走果陣已經得返半條人命
返到屋企勁想瞓覺，當然亦都瞓左......但今晚多野做，只係瞓左半粒鐘
食完飯，做完chem，有點頭痛，攰到丫，唔吸下毒唔得
點知，久旱逢甘「毒」，毒左少少，呀～，爽

忽然想起 Air Supply有首歌－Longer，諗起都開心
點知就冇隻碟，想聽都冇得聽！但我印象中果日出MK見到有隻碟有呢首歌
kekeke，又要破費lu

毒癮發作

今日有D手痕，將D歌燒入碟再擺入部卡式機到播
D歌都係DL返黎，格式：APE/TTA/WAV
唔講咁多，講下感想

一早都覺得Fate/ Stay Night第14集果首ed好正，樹海 既 ヒカリ
係部卡式機個啦吧播出黎，wa......俾D人聲毒親
久遺既聽歌聽到陰陰咀笑.....真係好high
部機個死人廢廢onboard soundcard......哼！
好在我辛辛苦苦調教過foobar2000既settings同個equalizer，都仲可以撐多一陣

講起樹海首ヒカリ，我睇完Fate/Stay Night就一直好想買隻碟
但係太貴啦><"......$260......
冇乜動漫歌有咁既毒力，呢個係個稀有既例子
其他歌都只係因為套動漫而鐘意聽
DL左返黎，聽左一排，套野做完，慢慢D歌亦隨之封塵
但<<ヒカリ>>，一聽佢就好有感覺，唔係回想起anime既劇情
唔係個人主觀感覺，亦唔係一陣陣APE帶黎既音染、廢廢onboard soundcard既低質聲音
而係一直都買唔到佢返黎，好驚佢會無貨斷市......
我覺得好既歌，我一定會買CD，但E+我既經濟狀況......
我驚我未儲夠錢就已經賣曬......

發現左D野

之前DL D動漫歌聽，發覺係一個cue檔同一個「image」
可以係TTA，可以係APE，亦可以係WAV
但特別在所有歌都係一個音頻檔入面，唔係平時一首歌一個檔案
問題黎啦，做乜要用個cue檔黎forward返個音頻檔某個區段呢？
今日，我搵到原因，事緣我無聊開EAC 整image+cue
用上我幾鐘意既歌，タイナカサチ既<>同埋<<君との明日>>
但效果同一首歌一個檔案比，image+cue比較好聽
因為係動漫歌既關係，測試唔可以作準，但就話俾我知，兩者同係wav但係音質有分別
然後，我出動左Air Supply隻碟，rip返個image+cue黎聽
照舊用<>黎試，果然image+cue既聲係自然好多，好聽好多
詳細D黎講，聽image+cue，閉上眼睛靜心咁聽，會感覺到好強勁既感覺
但聽單曲檔案就唔同，感覺少，唔自然，數碼味較重，音樂感比唔上image+cue
勝負好明顯，image+cue雖然有D麻煩，但係勝在音質好！

結果，今晚成晚都係到將D CD rip返做image+cue =.="......
仲要未轉曬XO，冇計啦，試試下就毒癮發作停唔到
Air Supply真係唔係講笑，尤其是我手上有佢既 CD
慢慢享受先～

Equalizer

等化器，幾乎所有音樂播放器都會有呢個功能
不論手機電腦定係部分MP3機都有
用黎調較不同頻率既音波既大細聲
簡單黎講，可以調較音效既味道
但佢唔會點提昇或降低音質......

呢幾日都係到試緊部PC應該點set equalizer
發現左佢中頻太多太泛濫，低頻同高頻都嚴重不足
我調高左高低頻，兩邊極限都略為調低
E+既音色都十分接近我用個卡式機播
但音質當然仲差九萬幾皮，onboard soundcard係咁架啦

同埋如果想要好音質，用Foobar2000，set PPHS resampler
output set KS Realtek，KS：Kernel Stream
會少D嘈音，正