飲汽水飲到生癌？無糖汽水首當其沖？

研究指汽水苯甲酸鈉有危險 (明報) 05月 27日 星期日 06:00PM

英國 的大學研究發現，多款汽水加入苯甲酸鈉，會令身體機能衰退。

研究指出，部分汽水使用的防腐劑苯甲酸鈉，破壞細胞中負責吸取氧份同釋出能量的線粒體，令細胞無法正常運作，出現衰老、退化徵狀，包括可導致肝硬化和帕金遜等退化性疾病。

來源：http://hk.news.yahoo.com/070527/12/286nr.html

苯甲酸鈉，Sodium Benzoate，曾經存在係 HKCEE syllabus 中食物添加劑既範圍。
苯甲酸鈉係種常用既防腐劑，不論係飲品食物都適用。
佢既化學結構圖：



亦有某新聞報導指該防腐劑會係某特定情況下有化學作用變做苯，Benzene；
而苯亦都係第一類致癌物。
但同一則報導亦指糖可抑制苯既形成，所以「健怡可樂」、「Zero」可能比有糖可樂更危險
D食乜飲乜都驚有糖既人咪又多樣野驚？@.@
琴日我去剪頭髮，果到有開收音機，咁岩係新聞
亦咁岩係講有關呢件事既新聞，D剪髮佬一聽到致癌就話：
「咁仲有咩食得，連汽水都致癌.....」
心諗：「我個頭交俾你架喎= =，冷靜D師傅！」
我好鐘意汽水，冇汽既唔鐘意，芬達橙味、可樂係我既至愛^^
致乜鬼癌丫，最致癌果D分分鐘係我地件衫衫到
最致癌既分分鐘可能係屋企既家俬！
只要係有膠既野，好多都係致癌，對得耐，毒性弱又點？
咁仲可以有咩反應？= =
又係無聊新聞，講左=無講.........
又唔講解決方法，都唔知想點！