我幾時變成咁......

今日畢業禮，自然會諗起呢兩年既野......
我竟然會想多謝D老師...曾經成為我既敵人既人......
唔止，仲為佢地而唔開心

當我第一日認識我個班主任係我唔知form2定form3既數學拔尖
果陣第一堂，叫人地factorize a²+b²+c²+2ac+2ab+2bc
佢叫我出黎寫答案......我寫左：a(a+b+c)+b(a+b+c)+c(a+b+c)就完左
當時我功力未深，睇唔出呢D野可以寫成：(a+b+c)²
佢第一樣教我既就係呢樣野......

點解我會記得佢？全校得佢有咁多鬚根......

E+既佢......十分消瘦，白頭髮好多，個樣好殘......個心好唔舒服
今日走之前同佢影相，呀媽當然多謝佢啦，慣性黎既
佢好謙咁話：唉，我冇咩野教到俾佢...
唉，背後既事呀媽唔知，呢句野講左好多野......

點解佢會教唔到D咩俾我？
話說form4，呀sir話教我同某幾個同學a maths，但後來又要處理果時form5既事
冇空閒教我地，叫我自修，因為當中最有潛力同果顆心既係我
但係之後佢仲忘，本來我只係做revision exercise，但係
交左俾佢，到E+都冇俾返我......當時我好嬲，但我知唔理佢俾唔俾返我
我都有得著，我繼續做...最後發現，冇人教自己係maths堂做係幾辛苦
因為教maths既係副班主任，佢可能知呢件事，所以佢完全冇理過我
我堂堂maths都係a maths......但又唔見得成積好差...有D屈機
但之後先後悔，我發現嚴重既頭痛，白頭髮瘋狂既出現
有D野原來係唔可以勉強......去到form 5，冇再理a maths
而maths亦再分班...我亦唔係副班教maths...
果個呀sir係我form 2教我maths兼班主任，亦係個我想多謝既呀sir

而我個班主任...越黎越多野做，越黎越忙......越黎越慘
乜都係佢攪，學生電子出席記錄，校園電視台，班房既每一部電腦+projector...
我有D懷疑校長請佢返黎係咪教書！
定係能者多勞？.........多勞多得，但佢咁多勞，做埋資訊科技組主任...人工都係一樣
佢既忙碌開始係外觀完全地透露出黎
同埋佢唔可以係咁講D又深又難既野，因為都係得一個聽......
只可以課餘講，但係佢唔會得閒......
開始明白呢點既我...亦冇再埋怨...不過佢對我亦有期望，亦叫我去隔離班補課

我知道如果我乜都唔做，一定追唔上，我冇偷懶，亦唔俾自己偷懶
結果越整越殘，試過有日10點鐘已經頂唔順要瞓覺
不過幾殘都好，都及唔上呀sir......

佢有句口頭蟬：「凡事唔好睇得咁表面」－我永遠都會記住......