救命！

岩岩BT好Fate/Stay Night - Disillusion ( op1 )
後尾果段高音好毒......但係...
不知因由地高音延伸力差，一pad野，唔夠清晰，唔突出，仲有時聲沙！
救命呀！點算，我想個組合出既高音去得盡D，清D，延伸力強D
死伙，點算，毒癮發作，好辛苦
呀！！點算，又要一大筆錢啦！
救命呀！有冇人屋企有D上等毒俾我吸下呀
好辛苦呀......
日本妹把咁既聲唔應該個效果係沙沙聲......
唔通個headset仲要煲多兩煲......
買隻CD dum去部DAC到播會好D架，碟......唔知又幾錢呢...邊到有得賣呢...呀！

岩岩上網睇，原來ipod推我隻K81DJ係幾吃力......
咁大檸樂！K81DJ原來咁大食......死伙
ipod都推唔郁！？唔係呀化
搵日借dr.lam部nano試下聲先，唔係買左先發現就仲大獲

有人建議搵部amp ( amplifier，訊號強化器 )去推一推
就係amp都幾貴...同埋都有一定size，出街聽帶ipod已經係重擔( 唔計nano/shuffle/mini )
帶多部amp即係想殺人姐......
屋企聽就一定唔會推唔起，但係電腦天生就唔係好既音源...
機箱內部既 EMI 同震盪會令訊號不穩...自然電腦玩Hi-Fi係更為勞民傷財
難道命運早已安排我玩呢味野！？

最後發現係我set錯左個equalizer，攪到沙沙聲，之後用手禁實隻耳聽
D人聲明顯清晰左好多，低音不減，人聲卻美妙多幾倍！
好毒呀！我未試過......笑到咁開心！係從心既笑！睇黎今晚都幾難瞓得著

K81DJ，真係神物......對於窮人黎講！
我呢世人最驕傲既事就係買左你！AKG　K81DJ