又係成日都對住電腦

上網，打機同埋睇動畫
今日就係做呢d野......悶？唔悶......唔做呢D野就真係悶
雖然日日留係屋企真係唔多舒服，例如空氣唔清新唔流通
最衰我玩D game又真係冇乜fd玩，搵人吹下水都唔得......

唉，學校做乜一個似樣既機民都冇架......玩黎玩去都係果D陳年舊game
唔舊既唔玩......唉
講電腦，更加係曬氣，要係我既生活圈子到搵個人係完全聽得明我up乜......基本上冇
仲要我有D奇奇怪怪既技能同嗜好，例如玩辣雞........
仲有D好奇怪既幻想，例如一個運動員唔知做乜意外咁斷左隻腳要裝義肢......
跟住佢會點諗，會想點，佢既未來會係點........係咪極之無聊兼奇怪呢
仲要我對D MK仔女有種無名既抗拒，除左我地班D人......
講起D MK女，我硬係覺得有種笑裏藏刀既感覺

正常既生活圈子應該唔會話興趣嗜好完全一樣，但係我呢D興趣嗜好又真係......冇人識
其實D 新PC Game應該係個hit topic，但我身邊既人冇人聽過呢D野 = =
每次見某幾個 fd 玩開一樣既game，有好多野吹.......都會有種孤立感
唯有，望女仔lor，仲可以點，唔係淫唔淫賤既問題，係話不投機半句多既問題．．．
其實都有D人好似我咁，呢D人會明白我......例如：Dr.Lam
據我所知，學校裏有相同喜好既人只有一個......唔係我......另一個人黎既
唔知佢有咩花名，無謂係到爆佢大名啦，佢都係個幾值得尊重既奇人，英文奇勁
佢唔悶？約D人出黎講語言？唔掂架麻，嚇走人架麻，呢個係個冷門既興趣

唉也，爆左咁多佢既料添！算～
可能呢排Dr.Lam身不在港，果兄又要返工，自己一個真係奇悶無比啦
我呢種奇怪人，要解悶就只有向「奇怪」出發......

今日玩Lost Planet Extreme Condition，去到最尾果關，激難打= =
個戰鬥環境係個類似太空既地方，超難控制，又行得快，支鎗又廢
得把類似LASER劍既野勁，但係對手.......超勁，有激光盾= =....之前D小boss都冇
唉，講黎都曬氣，冇人明，唉！真係無聊
網上睇D友仔點玩，個個都開Auto-aim，低能！白痴！無聊！咁玩黎做乜！？
唔識玩鎗game咪唔好玩lor，做乜要咁攪呢，capcom又係，做乜要做auto-aim？
唉.........

呀，之前貼左個靚仔上黎，叫Bandero，今日殺左佢啦，手都涼埋XD

唉，究竟有冇人明白我？