肚餓既腦袋

自從會考完，都冇乜正經咁思考過，無做數，無背野
個腦一直都係空洞洞的，一味係咁做會考前好想做既野......
到E+......想攪既野都完成得七七八八
手機轉3.5mm線，新blog，打機......
想做既野遲D先做，放低曬所有野，瘋狂咁為個會考而發力
今日，辛苦左兩年，得到既成績係我意料之內，好滿意！
咁心裏一直都恃住自己好辛苦，不停放縱咁做自己想做既野
e+做得七七八八，但就發現個生活好頹廢
我唔係一個甘心游手好閒既人，我會自己搵D野攪，或者可以話係自找麻煩
例如玩辣雞，整BLOG，甚至打BLOG......我係可以入面學到野...
但E+...我D更瘋狂既發明要更多既錢，E+個BLOG都幾靚
打BLOG係習慣，我好高興我有呢個習慣！
個腦開始空虛...
之前我醉心於電腦做音源，又玩錫紙，又玩磁環
但其實箇中原理我完全唔識，EMI究竟點形成，電源既noise係咩黎
點解可以filter左，點解個磁環會減少noise又會削弱signal
做乜D人加粒電阻係耳機線插頭到會好聲D
點解雙絞線會有咁既設計......電腦係點計數......
做乜會有萬有引力，點解正負/南北會相吸......

呀，唔止隻耳會肚餓，個腦都會......真係難服侍