師生關係？

前日中化有份功課，一條短題目黎
每個人都寫D意見，再分組將論討得黎既共識向全班分享
題目1，你對現時師生關係有何看法？
先唔講我既看法，因為我唔係想係個blog到分享D功課

5組人，有三組都話師生關係如交易，如僱主僱員
傳授過知識後不論老師或學生都就拍拍屁股走人
有D學生自以為係老細，有權學與唔學，唔到老師你管
師生關係只係互利共生，為人師徒應有既態度同尊重都蕩然無存
另外兩組就話師生關係就如朋友，得閒吹下水傾下計
又話傾心事wor= ="......好明顯攪gag，黎黎去都係前途或學業上既問題
當中有組話老師好關心學生，無左老師既架子同排場
令到箇中階級既分別細左，顯得平等、甚或紓尊降貴

大佬，咁表面既野都up得出口，朋友？做人係應該當周圍既人都係朋友
應有既態度黎既，而且唔係個個老師都係咁對學生=0="
而D比喻師生關係如利益交換既人，令我心痛
一組係咁都話姐，三組都講呢樣野，大部分學生都用呢種角度看事物
十分可悲，香港學生竟然將呢D野放係心中一個咁高既位置
一講讀大學揀咩科，就話都唔知讀邊科有乜用
下？奉旨要有用架？鐘意咪得lor，讀過書你荒冇人請？
什麼理想，夢想，成就，都不外乎係身家？都不外乎係地位與金錢？
中國人著重既係永恆不滅既精神、傳統、技術、尊嚴
名利？唔好聽講句你40幾歲香，儲埋一大筆錢掂都未掂過
白廢一生，讀書又諗住搵錢，搵工又諗住搵錢，死挨爛挨都係要搵錢
錢拎得入棺材咩？你既響當當既名聲拎得入棺材咩？
最多咪好似小甜甜咁出自傳，十年後睇下有冇人記得你
有，亞視<<當年今日>>可能會出現你既大頭相既

人係死之前最緊要做D有意義既事，包括自己最興趣、至愛
對於D生活漫無目的，返學等放學、打機等食飯既人黎講係難諗D架啦
但甘心咩你地？一世人傻下傻下，呆下呆下，好好采咁上到A-Level
就連我舊年D S3都不如！佢地未考會考已經鋪好後路
想當差就去搵資料，想讀IVE既就報定名，想打工就jobsDB.com
明知自己唔掂，so what？讀書唔掂又點？知自己做緊乜、想做乜、要做乜先最重要
所以我幾欣賞我班S3，可以話以佢地為榮！
佢地讀書唔掂，籌碼少，無得揀，讀D大路熱門科目都無可厚非
反而D讀掂書，係學校呢個大型溫室繼續hea下hea下既人
不如諗真D何謂理想、目標、前途，名利只係過眼雲煙，唔好白送青春
有籌碼但係唔識用，係到亂咁用，你話幾鬼折墮！

至於我心目中既師生關係？四個字：慈母、敗兒！
學生對老師既態度：衣來伸手，飯來張口！
真係超忍唔住，不吐不快！
多謝觀賞，留Comment丫唔該@@