藝術品一樣的機箱

多數人都係，特別係D唔識電腦既人
砌機通常曬最多budget係CPU/顯示卡/底板/RAM
充其量火牛、硬碟
無乜人理個機箱

但事實上，最保值，可以用最耐既野就係機箱
因為ATX/m-ATX既Standard其實係冇改過
10年前既機箱，到E+都用得
視乎你忍唔忍受到生左鑄既鐵箱或者差勁難用既設計

之前見到幾隻台灣聯力既機箱，覺得幾好
有轆，底板裝係左邊側板而唔係右邊
因為我部機係我左手邊，想攪下佢都容易D

近日搵到個更靚更正更簡潔而強悍既機箱品牌
日本既WiDNy
係一個網頁到睇到好多歷代既WiNDy機箱
簡約精美既外觀，內裡設計周到，小巧精悍
PCI/CD-ROM既Toolless扣具反而冇乜
但硬碟安裝就十分friendly ( 呢一點先最重要 )
講真CD-ROM D 爛鬼扣具我一買返黎就拆左佢

另外Floppy呢D 過曬氣既野WiDNy機箱係冇既
咁仲好，多D位通風或者放多幾個硬碟
其實CD-ROM位都唔係好多，2個左右
夠曬啦，要咁多做乜
一個簡簡單單既機箱，就應該係咁

果個網頁既Link