書通後隨筆

雖然係用電腦打，但就文體而言呢篇應該是隨筆
字就食完，入正題

禮拜五，一如以往係書院通識課，今日的課節講短片及電影欣賞（咁上下）
從而剖析香港回歸前後香港本土文化既變更

其中一條片係七‧一遊行
感受都好深刻，呢D 氣勢，秩序，令人難忘！

當講到我呢一代人既時候，個心即刻唔舒服
特別係一諗起一班無能、不負責任、自我陶醉既長輩既時候。。。

一。
我有一個阿嫂，佢聲稱佢讀書時一日打N份工
冇任何資助下自資讀書
唔。。。每一次佢都係咁樣講
的確做到咁既地步一D 都唔易
但係。。。點睇佢都係意識唔到呢一代人面對既野係點既一回事
讀書競爭既激烈。。。幾乎可以話係前所未有
後既年既人亦好難會咁激烈，因為學生人數不斷減少中。。。
社會環境更加唔好講，同十幾年前比，E＋搵到既PT都未必夠自己三餐
三餐貴左20%至50%，人工係到減，職位同學業競爭越黎越激烈
搵PT讀書已經變成「Merely an idealism」

當然我承認，呢一代，有好多廢柴，好簡單，樹大有枯枝
年輕人多，自然差既人既數目都會多，有幾出奇？
更何況，你地班長輩，當中都冇乜出色既人物丫！

二。
用自我陶醉，自我回帶，不可理喻，傲慢、庸俗而無能黎形容呢一群長輩
雖然並非全然，但亦係普遍而言地真確

我極之期望呢一代既年輕人，能向呢班反面教材身上學會自省、自覺、自律
我相信或許有一日年輕人可以為唯物、功利、膚淺、庸俗、反智既本土文化帶來衝擊
但嚮呢一日來到之前，我都唔會鐘意香港呢個地方
我渴望一個到外國既具文化氣質既地方生活，例如柏林
隨緣吧！我希望嚮呢三年大學生活裡可以搵到出國既機會！

後感
諗法的確有D 激動，又或者呢班俗不可耐既人唔會絕種，亦唔值得我驚訝
但係人竟然可以容許自己變成如此模樣，真係令人驚嘆
可能呢D 係所謂「自然的平衡」，自自然然唔同既人有存在既平衡
隨緣吧！