惡習

今日係慈雲山食飯，有D叔叔係到吹水
甲：又開左間新賭場喎
乙：都唔明咁多間野點做生意
丙：係呀，澳門咁多間賭場，好多都好冷清
甲：等大陸佬幫襯既姐........
中略.............
甲：賭場唔俾食煙？傻啦，唔俾食煙冇人黎架
乙：咪係，賭仔食煙食得最犀利
甲：好似我咁lor，唔知點解賭起上黎食特別多煙
丙：唔係喎，我之前去過葡京，上下層都唔俾喎
甲：你話牙，一定俾食煙，可能係開第二D地方俾佢地姐
乙：係呀，D賭大果D一定要食煙提神
丙：咁又係，有得食煙硬係差D，D麻雀館既侍應做得最多就係倒煙灰
甲：唔俾食煙，D煙商食乜，到時又裁員，又多人失業
乙：我都係啦，賭賭下唔知點解會食煙食多左......
丙：我呀本時一日兩包，E+一包都食唔曬......

賭、食煙呢D惡習真係一不離二，二不離三，睇佢地既談吐就知
講到食煙好似係賭既必需品，就算本身唔想食煙，都會被周圍既人所熏陶
根本唔到你揀......唯一預防既方法：唔好試
嫖、賭、飲、蕩、吹全部都唔好試......

除左一不離二，二不離三外，呢D惡習都有矇閉心智既功能
如對話中既叔叔咁，係咁食煙講到好似家常便飯咁
完全無提及對身體既傷害，唔知係真唔知，扮唔知定係逃避問題
最過份既係佢地話禁煙會影響煙商既生計同埋引致裁員
做毒品俾人食既人唔應該有權利生存，莫講話生計
D員工亦都有良心，為左錢做D咁既毒品出黎害人
食果個固然攞黎賤，食二手煙果個會好無奈......
班攞黎賤有冇諗過食二手煙既人呀，仲係到諗D員工
根本個出發點都係唔想無煙食，到頭來咪又係自私！

賭亦都係，利用人好勝既心理呃佢地既錢，禁得住賭癮就好羅
忍唔住既就大獲，無錢都要搵錢返黎賭，諗住一舖連本帶利贏返
促成高利貸既萌生同埋使當地黑社會既活躍度增加
令當地治安變差......不過澳門係個得意既例子
呀何生佢黑白都有關係，管理上會易D......
反觀賭民果邊，要有個成員係賭民，無收入但有極大消費.......
家庭問題隨之萌生........

但睇果D叔叔既對話，佢地既癮似乎係OK有節制......
祝佢地好運～