今日小弟牛一

今朝屋企人同我做左個簡單而隆重既慶祝儀式：切蛋糕

跟住去尖沙咀Domon札幌拉麵本店食拉麵，我叫左佢既招牌牛油拉麵
豉油湯底......正

豉油味濃同埋牛油既香，令平平無奇既拉麵添上無窮既色彩
麵底做得幾好，十分爽口，頗為彈牙
我呀媽叫既係清湯底，我試左好幾淡......
極為香濃既豬骨湯底，唔好話我知係味精，濃豬骨湯既色係呃唔到人
奶白色果D你應該好奇，事實上再濃既豬骨湯都唔會奶白色=0="
係有D黃，加少少淡綠咁......白就都會白白地，但一定唔係純奶白色= =
湯底係拉麵既靈魂，呢間野幾靈魂都幾好味

好多人都話Domon札幌拉麵係香港地最正宗既拉麵館
我唔清楚啦呢一層，我未去過去日本食拉麵，唔知D麵同配料係點
但就知道豬骨湯會係點......佢個湯底正到無野好講
貴就貴左D，但係值得，淨係一碗牛油拉麵$58，另收加一
間野係尖沙咀加連威老道50-52號嘉蘭圍20-22A地舖

圖中らーめん/Ramen即係拉麵，Sapporo係札幌，サッポロ
Domon，名一個，土門，G Gundam個主角個名......
Domon Kasshu ドモン カッシュ =0=".......

之後去深水埗同信和，係信和見到D野

不過果個十分懷疑係假野......佢個盒寫4400 yen..........但佢標$168
唔正常地平，加上D條裙造工好唔掂.......如果佢係正貨咁都幾唔掂
其實我果個都幾奇怪，佢個盒寫6800 yen，但係賣$280
不過有D地方賣$9x.......加上我信Animate.......離左題添
之後去Animate，我果個figure無左，睇黎我果個係最後果個
o，咁就唔洗再遺憾啦^^

跟住上CD warehouse，咁耐都冇乜新野，sample player又少，悶
然後去返尖咀，上通利AKG既陳列室聽歌
睇下我下一個目標係咪都係AKG既headphone先
睇左幾個，K141S，K240S，K271S，K271S同K240S好難揀，幾大分別.....
跟住去聽K701.........超正=0="......無野好講，我唔識講
賣$3180=.=".......之後聽K601，感覺差唔多，但多左D音染，賣$19xx
如果K601個價位我會揀其他牌子或者K240S/K271S，剩低既upgrade音源( PC )
或投資落pre-amp/耳擴/換耳筒線
因為好多人都話AKG 野換左線會好好多.......一條貴線在所難免
伊麵貓：你家陣有幾錢呀，發埋曬呢D白日夢......

之後去同D fd同呀sir去打邊爐，$80任食兩個鐘
幾爽，唔掂既係一碟肥牛太少要好多碟先夠
同埋個湯底有大大舊骨，阻住人地食野
仲有好多陰謀都俾我揭發，其實間間都差唔多
例如個火細，延長煮野時間，間接令我地可以食到既野減少
仲有佢個鍋既設計.......好似好大，但容量好細......
唉，唔係邊得黎$80任食丫

食完就各散東西lu，我同文A行下Habour City
但好多舖都打左烊，包括Hong Kong Records........好失望
跟住就行返出去碼頭等巴士，文A係到睇DC/DV
佢好似幾鐘意呢D野咁，不過揀呢D野真係要好小心
唔係舖頭問題，係間廠商既問題，質素、外觀、花巧野既平衡
花巧得既唔謊好用，好用得既唔謊花巧得去邊
而外觀，往往可以呃到人，無花巧野無質素都可以好好賣
註：我通常認定D所謂「多功能」為花巧野.....

今日真係好攰，玩左成日，但真係好開心，起碼有人陪～