便裝Saber figure到手記

今日同果兄出街行，先到深水埗，買左D頭整線
再行去旺角，一向都係咁，但今日特別D，行果陣幾大風
不但止無汗仲好清涼，同慣常既大汗疊細汗比真係舒服好多
去到MK，第一步就係信和，有新CD，無新game
然後上去睇figure，最多figure果幾間舖都未開，但果時已經三點幾......
跟住就去兆萬對面既Animate，幾日前見到既便裝Saber Figure依然係到
wuwu......一摸上手個心就噗噗跳，好可愛呀
我不斷叫自己冷靜，要諗清楚，唔好意氣用事
之後離開左去返信和睇下D舖開未，希望果到會有驚喜
結果係有驚喜，終於有一間figure舖開左=0=".......
但就冇我想要既野，去返地牢繼續邊行邊掙扎，果兄帶我去間未入過既figure舖
間舖主要係賣18禁figure，我就喜歡睇D唔18禁既野既同時腦內補完D 18禁既野
問題唔係18禁，係貴，......分上左色同未上色，舉個例
有隻figure未上色賣$157，上左色就$57x......未上色係平，上左色就XO
當然，話得「主要」，姐係有D唔係18禁架啦，有，有saber添......
但係水著版，唔係我想要果隻，而且仲要咁貴=.="
D figure唔止18禁，仲有D GL既野......一個字：腐，兩個字：腦殘
跟住去返Animate........忍唔住，買左佢......$280成交
Good Smile Company日版便裝Saber figure......o！正


上方左、中二圖為除左條裙既圖，但唔似其他人偷拍裙底春光
因為西平線就是美......露左出黎就唔好，冇feel
我一向睇果D野都唔會睇偷拍裙底春光，我唔好呢味野
就算影到少少，都只可以怪我影相技術唔到家.......

扯住條裙既動作........

唔落光源影既側面
wuwuw，終於到手啦，好感動呀！
正！hahaha！
不過我D相應該唔多好睇，好多noise，白平衡set極都唔靚
一係太藍，一係太綠，一係太紅......
EV值方面開始掌握到......係一個好開始