在<< Classical&Jazz >>的角落裏

今日出尖咀，順手去通利門巿部既AKG陳列室到試聽
一直都戴著K701......那清徹既聲底，該陳列室都冇一隻及得上
略嫌定位未夠準，層次還可更為鮮明，動靜態有點混淆
音源有底嘈，用K701先聽得清楚，證明佢夠敏感
不過漏音問題好嚴重......畢竟係大耳牛，反正係屋企聽，唔緊要啦
吸左毒後，隻耳適服左好多，感覺一流！

跟住再去Harbour City間HK Records試聽
去到Classical&Jazz既房到，隔住塊落地玻璃
戴住個AKG K44聽Malene Mortensen既Another Day
比起去享受儀器感覺更為好，雖然試聽果時只係用K44 ( <$300)
嚴重既音染，戴得唔舒服，隔音甚差......
但都無損氣氛，沒有蓋過首歌帶來既感覺
像是暫時離開嘈吵喧鬧既人群，在靜靜的角落裏享受著音樂
因為密集既人群令人喘不過氣、迷迷糊糊既感覺都被洗去
在這角落休息過，混亂既心靈都清醒過來，像充了電的精神起來

嗚嗚，有錢既話就可以買隻碟返去......$9x既碟都買唔起.......嗚