心酸

無奈地食住飯咁睇「爸爸閉翳」
夏雨為左唔想冇左個仔，三番四次應承個爛賭鬼既要脅俾錢
更不惜背負賭輸10萬既罪名都唔想因為個仔知道佢唔係親生而唔開心
佢個仔，王喜，同樣為左唔想個女知道真相唔開心
不惜將愛女拱手相讓
還要忍著淚，笑著同個女解釋......但不過只係掩飾
攪咁多野，將自己既心傷透，為既不外乎一個道理
為人父母要以子女利益為先

有老豆既巴打要珍惜，一世人得一個老豆一個老母
無左就無左，到時就冇人咁樣錫你......
反觀自己對父母有冇相稱既愛同關懷
定仰或長大左，有能力自己負擔起生活既時候就置父母於不顧
沐浴在父母恩惠中係幸福既
但唔好對身處既幸福挑剔，不滿，甚至感到無聊......
因為呢D都唔係必然，有好多人好細個就冇老豆或老母
有父母既你地，已經係好幸福

有D人話人生出黎係贖罪，我就話係還債、報恩
還既係父母供養之債，報既係雙親關愛之恩
所以人最可悲既事莫過於未還此債，未報此恩就讓父母離開
「樹欲靜而風不息，子欲養而親不在」就係講緊呢種悲歌