哎吔！

隻耳又係到投訴我啦
伊麵耳：喂你幾時換soundcard呀，部電腦D聲好難頂呀
伊麵丹：咁叻你俾錢丫！
伊麵耳：係牙，算啦，我唔爽你都唔好過......
伊麵丹：......

真係無奈，無端端減零用，仲要減6成，再係咁真係迫我唔食飯儲低果$30
好采既話食飯只需$16，但一日$10鬆D，叫人點生存
仲要呀媽覺得咁係無錯無問題，之前$25一日都算岩岩夠
E+咁......呢個A-Level最難挨既睇怕都係無錢洗
同人出去食野或者買杯野飲都有罪惡感...差在未千方百計打虎頭......
但買任何野都變成奢侈，咁叫人點，除左電腦可以玩咩？
玩彈橡筋紙飛機Lego飛行棋捉迷藏煮飯仔？
定係爬樹拔草望住個天話舊雲似隻羊？
form 5 D同學話出黎唔知打邊爐定韓燒我都冇錢俾...果時得$20...
暫時買唔到soundcard係預左，$1200，點都有排儲
但係連去揀隻廿幾蚊大陸版唔知掂唔掂既CD都要左諗右諗......
又驚後悔，又驚無錢，慢慢墮入思路既死胡同，實在無奈，迫不得已

當初玩CD時都意為只係浪費金錢，但發現CD無令我後悔
比起所有音頻格式都少左好多數碼味，就連WAV檔都係
聽CD就好似差電咁，但需要既唔只係電，仲有錢
無錢買，唯有得閒就去HMV試聽頂住癮先
有時D headphone左右大細聲，甚至一邊有聲一邊冇......
兩個禮拜冇去旺角/深水埗，因為去到都唔知做乜好
明明有想要既野但卻無可能買到......
睇黎都係要痛苦地挨過A-Level呢兩年......