昔日的習慣

三年前，果時我仲未有部屬於自己既電腦
係同呀哥share，用電腦既時間分為三段
朝早，下午同夜晚，一係就朝早+夜晚，一係淨係下午
我同呀哥梅花間竹地跟住呢個模式用部電腦
果時咁岩做Gundam SEED Destiny，星期六夜晚做
星期日朝早POPGO字幕組會最早放上網
果時我就特登就時間，星期日朝早+夜晚用部機
由於時間太寶貴，我會未到7點起身，然後DL今集GSD黎睇
就係咁樣，細個果時追anime係唔好受
但果時我用電腦九成都係打機......因為時間太寶貴
我打機既情況係變態，痴線，無節制......

到E+，有自己部機，可能因為時間比較上多，可以慢慢洗既關係
打機好明顯少左，反而多左時間了解部機，慢慢變左個「癲腦」人
而且星期六日都唔會再7點未夠起身打機......
直至前日，我10點左右瞓，琴日7點幾起身，然後10點半瞓
今日8點左右起身......刷完牙，就DL Gundam 00既第一集黎睇
過去既習慣，不由自主地做返出黎，巧合在最早出Gundam00既都係POPGO字幕組
行為同想當年一樣，但今時今日既我，已經唔會再變態，痴線，無節制咁打機
由機民，進化做一個電腦痴漢......我玩電腦已經唔再係單單打機
昔日既習慣一如以往，陪伴著我，係我進化既過程中停下腳步
令到我仲保留返小時既童真，留下我成長前既根本
人會變，但唔應該澈底地變，人既根本係永恆
留唔住根，亦難以祈望人呢棵樹既枝葉會茂盛
陪伴住你既，不論係咩都好，都屬於根既一部份，不能漠視
縱然呢個係個唔多好既習慣=.=...

伊麵貓：你知就好啦="=